Ministerstva aburanaje artykułam haziety, jaki nibyta kampramietuje supracoŭnikaŭ milicyi.
Pra namier padać u sud na «Kamsamołku» siońnia zajaviŭ namieśnik ministra unutranych spraŭ Jaŭhien Połudzień na sustrečy z žurnalistami ŭ Akademii MUS.
«Miarkuju, što siońnia pastupić u sud zajava na «Kamsamolskuju praŭdu» z-za nieabhruntavanaha abvinavačvańnia supracoŭnikaŭ milicy», – cytuje namieśnika ministra BiełTA . Pavodle jahonych słoŭ, žurnalisty haziety skazili infarmacyju pra padziei ŭ Nacyjanalnaj biblijatecy ŭ Dzień horada.
«U artykule zaznačyli, što milicyja sprabavała dahnać mužčynu. A ŭ biblijatecy ŭ hety dzień pracavali supracoŭniki achovy i MNS, jakija i sprabavali vyratavać hetaha hramadzianina», – patłumačyŭ namieśnik ministra.
Publikacyja «Kamsamołki» nazyvałasia «Mužčyna raźbiŭsia, zvaliŭšysia z treciaha pavierchu Nacyjanalnaj Biblijateki». Z artykułu vynikaje, što infarmacyju pra toje, što mužčynu sprabavali dahnać milicyjanty, była atrymanaja hazietaj ad ananimnaj krynicy. Zaraz vydańniu pryjdziecca pradstavić u sudzie čałavieka, jaki źjaŭlajecca hetaj krynicaj abo zapłacić štraf za niepravieranuju infarmacyju.
