Актывісты «Zmenы» вывесілі на Кастрычніцкай плошчы расцяжку «Свабоду палітвязням» — фотафакт
У суботу, 4 мая, пасля адбыцця адміністрацыйнага арышту выйдзе на волю актывіст «Zмены» - моладзевага крыла грамадзянскай кампаніі «Гавары праўду!» Павел Вінаградаў. Гэта ўжо другая яго «адсідка» за 2013 і 12-я за ўвесь час (не лічачы тэрміну па крымінальнай прысуду за ўдзел у Плошчы-2010).
Некалькі паплечнікаў Паўла таксама не раз бывалі ў Цэнтры ізаляцыі правапарушальнікаў на сталічнай вуліцы Акрэсціна. Але, нягледзячы на жорсткі ціск на «Zмену» з боку сілавых органаў, сябры моладзевага крыла «Гавары праўду!» разумеюць, што судовыя працаўнікі (ды і шараговыя праваахоўнікі) дзейнічаюць з-пад палкі.
У сувязі з гэтым 2 мая ў Мінску актывісты «Zмены» вывесілі расцяжку «Свабоду беларускай судовай сістэме!». Акцыя была праведзеная насупраць будынка суда Цэнтральнага раёна, дзе апошні раз судзілі Вінаградава.
У знак салідарнасці з палітвязнямі на Кастрычніцкай плошчы была вывешаная расцяжка «Свабоду палітвязням!».
Каментары