Генпракурор Украіны Віталь Ярэма падаў у адстаўку. Пры гэта паведамляюць украінскія інфармацыйныя агенцтвы, у прыватнасці, УНІАН, са спасылкай на інсайдарскую інфармацыю. Афіцыйнага паведамлення пакуль няма.
Ярэма ў часы першай «Аранжавай кааліцыі» ўзначальваў міліцыю Кіева. Ён паслядоўна ўваходзіў у апазіцыйны Блок Юліі Цімашэнкі. Генпракурорам ён стаў пасля перамогі Еўрамайдану і ўцёкаў прэзідэнта-карупцыянера Януковіча.
Ярэму абвінавачвалі ў празмерных повязях з некаторымі алігархічнымі групамі і захаванні кліентэлізму ў сістэме пракуратуры. За час яго кіравання не было даведзена да суда ніводнай гучнай карупцыйнай справы, а расследаванне забойстваў на Майдане ішло млява.
Адстаўкі Ярэмы дабіваліся грамадзянскія актывісты, яго моцна крытыкавалі СМІ.
«Я мусіла глядзець месца для людзей, якія пераходзяць мяжу. Што можа пайсці не так?» Драматычная гісторыя арышту Алесі Буневіч3
Каментары