У СМІ з'явілася відэа з дабрачыннага вечара ў Лондане, на якім вядучы папулярнай праграмы Top Gear Джэрэмі Кларксан кажа, што ён звольнены з Бі-бі-сі.
«Я не прадбачыў свайго звальнення, але я б хацеў зрабіць яшчэ адзін апошні заезд», — сказаў Кларксан.
Ён таксама нецэнзурна вылаяўся ў дачыненні да кіраўніцтва Бі-бі-сі і назваў Top Gear выдатнай перадачай, якая, на яго думку, была сапсаваная карпарацыяй.
Бі-бі-сі не каментуе словы вядучага.
Расследаванне ў дачыненні да Кларксана, пачатае пасля яго канфлікту з прадзюсарам праграмы, усё яшчэ ідзе. Ён быў адхілены ад эфіру 15 сакавіка.
Да галоўнага офіса Бі-бі-сі сёння пад'ехала самаходна-артылерыйская ўстаноўка Abbot SPG і нацэлілася на шкляны вестыбюль карпарацыі. Сведкамі сітуацыі сталі сотні мінакоў у цэнтры Лондана.
На самаходнай гаўбіцы быў вывешаны транспарант з надпісам: «Вярніце Кларскана». Вярхом на ёй быў вядучы праграмы Top Gear, Сціг. Ён прывёз на Бі-бі-сі петыцыю, амаль гатовую, без знакавага, мільённага подпісу, што хадайнічае за вяртанне аднаго з найпапулярнейшых брытанскіх тэлевядучых.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары