U ŚMI źjaviłasia videa z dabračynnaha viečara ŭ Łondanie, na jakim viadučy papularnaj prahramy Top Gear Džeremi Kłarksan kaža, što jon zvolnieny ź Bi-bi-si.
«Ja nie pradbačyŭ svajho zvalnieńnia, ale ja b chacieŭ zrabić jašče adzin apošni zajezd», — skazaŭ Kłarksan.
Jon taksama niecenzurna vyłajaŭsia ŭ dačynieńni da kiraŭnictva Bi-bi-si i nazvaŭ Top Gear vydatnaj pieradačaj, jakaja, na jaho dumku, była sapsavanaja karparacyjaj.
Bi-bi-si nie kamientuje słovy viadučaha.
Rasśledavańnie ŭ dačynieńni da Kłarksana, pačataje paśla jaho kanfliktu z pradziusaram prahramy, usio jašče idzie. Jon byŭ adchileny ad efiru 15 sakavika.
Da hałoŭnaha ofisa Bi-bi-si siońnia padjechała samachodna-artyleryjskaja ŭstanoŭka Abbot SPG i naceliłasia na šklany viestybiul karparacyi. Śviedkami situacyi stali sotni minakoŭ u centry Łondana.
Na samachodnaj haŭbicy byŭ vyviešany transparant z nadpisam: «Viarnicie Kłarskana». Viarchom na joj byŭ viadučy prahramy Top Gear, Ścih. Jon pryvioz na Bi-bi-si pietycyju, amal hatovuju, biez znakavaha, miljonnaha podpisu, što chadajničaje za viartańnie adnaho z najpapularniejšych brytanskich televiadučych.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Televizijščyki pakazali žachlivuju jaŭku na ŭčastku, dzie hałasavaŭ Łukašenka21
Kamientary