Удзельнікі акцыі пратэсту кідалі палкі і бутэлькі ў сілавікоў, баявую гранату, у выніку пацярпелі некалькі дзясяткаў чалавек.
![](http://nashaniva.com/img/w732d4webp1/photos/z_2015_08/k2_150831-m9jcn.jpg.webp)
У ходзе мітынгу пад будынкам Вярхоўнай Рады Украіны, у якім бяруць удзел некалькі соцень чалавек («свабодаўцы», члены Радыкальнай партыі Алега Ляшка і «УКРОПы»), агрэсіўна настроеныя актывісты пачалі штурм парламента.
Агрэсіўна настроеныя ўдзельнікі акцыі пратэсту кідаюць палкі і бутэлькі ў сілавікоў.
![](http://nashaniva.com/img/w732d4webp1/photos/z_2015_08/k3_150831-6v7ot.jpg.webp)
Ахова заблакавала выхады з будынка. Журналісты таксама не могуць пакінуць будынак Рады.
Прынамсі з аднаго з праваахоўнікаў пратэстоўцы знялі шлем і кінулі ім па сілавіках, што стаяць побач.
У асобных актывістаў у руках ёсць дубінкі і драўляныя палкі, якімі яны спрабуюць пабіць праваахоўнікаў. Таксама ў некалькіх сілавікоў пратэстоўцы адабралі шчыты.
Мітынгоўцы кідаюць дымавыя шашкі і намагаюцца прарвацца ў будынак, дадае Украінская праўда.
Мітынгоўцывыцягнулі з кальца ачаплення аднаго з праваахоўнікаў і збілі яго. Пацярпелы, верагодна, з'яўляецца супрацоўнікам Нацыянальнай гвардыі Украіны.
У сваю чаргу праваахоўнікі ўжо некалькі разоў выкарыстоўвалі слезацечны газ.
15:28
Мітынгоўцы прынялі рашэнне разыходзіцца, паведамляе rbc.ua.
У дадзены момант актывісты збіраюць сцягі, пачалі разбіраць сцэну каля будынка парламента.
Раней Вярхоўная Рада прыняла ў першым чытанні змены ў Канстытуцыю, што тычаць дэцэнтралізацыі.
![](http://nashaniva.com/img/w732d4webp1/photos/z_2015_08/k1_150831-wv1oi.jpg.webp)
Каментары