У мінскім метро ўпершыню паставяць беларускія эскалатары — з Салігорска ФОТА
На станцыях трэцяй лініі метро ўсталёўваюць эскалатары. На гэтай ветцы ўпершыню ў гісторыі мінскай падземкі яны будуць айчыннымі, паведамляе The Village.
Раней у мінскім метро ставілі эскалатары ЭТ-5М, вырабленыя яшчэ ў савецкім Ленінградзе. У 2007 годзе, калі на «Кастрычніцкай» тры старыя стужкі эскалатара мянялі на чатыры новыя, закупілі мадэль ЕТК-215 з украінскага горада Крамянчуг. У падземных пераходах і гандлёвых цэнтрах Мінска (у тым ліку падземных) ставяць амерыканскія эскалатары Otis і фінскія Kone. На чыгуначным вакзале нядаўна змантавалі новыя эскалатары грэцкай кампаніі Kleemann. Але зараз іх могуць пацясніць айчынныя эскалатары — з Салігорска.
ЗАТ «Салігорскі інстытут праблем рэсурсазберажэння з доследнай вытворчасцю» выпускае эскалатары і травалатары. «У 2014 годзе для патрэб новых станцый 3-й лініі Мінскага метрапалітэна быў распрацаваны праект тунэльнага эскалатара ЭБТ-02М з глыбінёй пад'ёму ад 3,2 м да 25 м», паведамляецца ў афіцыйнай гісторыі кампаніі. Салігорскія эскалатары ўжо стаяць на станцыі метро «Новакрастоўская» ў Санкт-Пецярбургу.
У каталогу фірмы знайшліся рэндары эскалатараў на будучых станцыях Мінскага метро. Хуткасць руху палатна — 0,75 метра ў секунду, правазная здольнасць — 8 910 чалавек у гадзіну. На «Плошчы Францішка Багушэвіча» будуць двухстужачныя эскалатары, на «Юбілейнай» і «Вакзальнай» — чатырохстужачныя.
Таксама на вытворчасці распрацавалі і травалатар КПБ-02М з даўжынёй перамяшчэння ад 10 да 100 метраў з хуткасцю руху палатна 0,5—0,75 метра ў секунду і правазной здольнасцю ад 7 да 9 тысяч чалавек у гадзіну. Вядома, што паміж станцыямі «Вакзальная» і «Плошча Леніна» ўсталююць травалатар, але чыёй ён будзе вытворчасці, пакуль не ўдакладнялася.
Станцыя «Юбілейная».
Станцыя «Вакзальная».
Станцыя «Вакзальная».
«Я мусіла глядзець месца для людзей, якія пераходзяць мяжу. Што можа пайсці не так?» Драматычная гісторыя арышту Алесі Буневіч1
Каментары