У БНТУ нахабна хлусяць валанцёрам Еўрагульняў: Не з'явіцеся па сямейных абставінах на рэпетыцыю — анулюем сесію
Намесніца дэкана па выхаваўчай рабоце Аўтатрактарнага факультэта БНТУ Алена Грыневіч запалохвае студэнтаў-валанцёраў Еўрапейскіх гульняў. Яна падманвае, што ім могуць ануляваць сесію, калі яны не з'явяцца нават на рэпетыцыю па сямейных абставінах.
Скрыншот з каардынацыйнага вайбер-чата, у якім Алена Грыневіч напісала свае пагрозы, апублікаваў адзін тэлеграм-канал.
Вось што яна напісала:
«Дарагія валанцёры. Вельмі прашу, настойліва прашу ўдзельнічаць ва ўсіх мерапрыемствах, на якія прыходзяць запрашэнні ў асабісты кабінет. ВНУ дадзена права ануляваць вынікі сесіі валанцёрам, якія па нейкіх прычынах не прыйшлі хаця б на адну рэпетыцыю або сказалі сваім кіраўнікам, што ў іх сямейныя абставіны. Учора прыйшоў спіс, на вялікі жаль, там ёсць адна з нашых студэнтак. Яшчэ раз настойліва прашу ўсіх наведваць ўсе мерапрыемствы і памятайце, што ў вас ёсць фінансавыя абавязкі перад дырэкцыяй гульняў, за якія кожны адказвае асабіста. Веру ў вас і спадзяюся мы годна дамо рады», — так выглядае паведамленне Грыневіч, якое трапіла ў інтэрнэт.
Ці сапраўды ў БНТУ могуць ануляваць вынікі сесіі валанцёрам?
Вядома, што не. Пра гэта «Нашай Ніве» расказаў першы прарэктар Георгій Вяршына.
«Такога права ні ў адным універсітэце няма! Гэта няпраўда! Я зараз праверу гэтую самадзейнасць. Але пакуль я сам не бачыў, таму схільны лічыць, што гэта нейкія плёткі», — сказаў Вяршына.
Сама Грыневіч пакуль недаступныя для каментара.
Каментары