Унук кампазітара Марка Фрадкіна: Я не хачу, каб песні дзеда гучалі там, дзе ўлады знішчаюць народ
Антон Фрадкін, унук знакамітага савецкага кампазітара Марка Фрадкіна, аўтара музыкі да такіх песень, як «Течет Волга», «За того парня», «Увезу тебя я в тундру», абураны тым, што песні яго дзеда выкарыстоўваюць на ўладных мітынгах, а таксама з мэтай заглушыць апазіцыйныя дэманстрацыі.
У фэйсбуку Антон выказаўся пра тое, што няблага было б атрымаць аўтарскія з Аляксандра Лукашэнкі, а грошы пералічыць у фонд пацярпелых. «Наша Ніва» ўдакладніла ў Антона Фрадкіна яго пазіцыю.
«У мяне супярэчлівыя пачуцці. З аднаго боку, як нашчадак творчасці, як унук Марка Фрадкіна, я не маю права злавацца на тое, што ў Беларусі памятаюць і спяваюць песні майго дзеда, які, дарэчы, быў беларусам. Марк Фрадкін нарадзіўся ў Віцебску. Год таму на «Славянскім базары» я адкрываў выставу, прысвечаную дзеду. Я разумею, што ў гэтым мала заслугі асабіста спадара Лукашэнкі, але павінен сказаць, што ні разу мне ў Беларусі ні ў чым не адмовілі. А вось цяпер дзеянні сілавікоў, якім даваў загад той жа Лукашэнка, знішчылі ўсю маю ўдзячнасць. Як грамадзянін, я не хачу, каб песні Марка Фрадкіна, якія ў першую чаргу асацыююцца з подзвігам народа падчас Другой Сусветнай вайны, цяпер гучалі там, дзе ўлады знішчаюць той самы народ», — тлумачыць Антон Фрадкін.
Што датычыцца матэрыяльнай кампенсацыі аўтарскіх правоў, Антон працягвае:
«Канечне, я як адзіны ўладальнік правоў на выкарыстанне музыкі Марка Фрадкіна мог бы запатрабаваць у беларускіх уладаў кампенсацыю, але разумею, што гэта бессэнсоўна. Давайце будзем аб’ектыўнымі. Ну не заплацяць мне беларускія ўлады ніякіх аўтарскіх, знойдзецца 1000 прычын, каб гэтага не рабіць. Таму самае малое, што я магу зрабіць для Беларусі, гэта самому пералічыць свае грошы ў фонд пацярпелых ад дзеянняў так званых сілавых структур. Не так даўно амерыканскія музыкі выказалі сваё абурэнне ў сувязі з выкарыстаннем іх музычнага матэрыялу ў межах прэзідэнцкай кампаніі Трампа. Вось тое самае магу зрабіць я. Я абураны ўсёдазволенасцю Лукашэнкі і ў шоку ад таго, што адбываецца ў цэнтры Еўропы».
Доктара сацыялагічных навук і супрацоўніцу Акадэміі навук асудзілі за «фінансаванне экстрэмізму»1
Доктара сацыялагічных навук і супрацоўніцу Акадэміі навук асудзілі за «фінансаванне экстрэмізму»
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары