Паліттэхнолаг Віталь Шкляраў пра тое, што назваў Лукашэнку «крутым мужыком»: Я не меў права казаць ад імя нацыі
Пра гэта палітэхнолаг заявіў у інтэрв'ю Tut.by з нагоды выхаду фільма Барыса Гуца аб пратэстах у Беларусі, прадзюсарам якога выступіў Віталь Шкляраў.
У прыватнасці, ён пракаментаваў свае словы, калі ён назваў Лукашэнку крутым мужыком. Шкляраў некалькі месяцаў правёў за кратамі.
«Не варта судзіць аб эмацыйным і псіхалагічным стане людзей, якія прайшлі праз турму, адразу і ўсур'ёз пасля вызвалення. Тым больш, калі гэта не проста турма, а СІЗА і камера рэжыму Лукашэнкі. Я ў той момант прамаўляў ад сябе, бо там пабачыў моцнага суперніка (гаворка ідзе пра сустрэчу Лукашэнкі з палітвязнямі ў СІЗА КДБ у кастрычніку), не трэба недаацэньваць яго, але я не меў права прамаўляць у інтэрв'ю ад імя нацыі, а гэта было ўспрынята менавіта так. Магу сказаць, што падчас таго інтэрв'ю я знаходзіўся ў пэўным эмацыйным стане. І зноў гэта адчуў, калі ўбачыў інтэрв'ю Рамана Пратасевіча на дзяржаўным тэлеканале. Ён паўтарыў роўна тыя ж словы. Мяне нават перасмыкнула. Я проста магу заклікаць ўжо не за сябе, а за Рамана, не меркаваць па словах, а судзіць па дзеяннях. У сітуацыі, калі ўся нацыя разбірае кожнае тваё слова … На некаторыя такія выказванні ёсць свае прычыны. Я не магу ўсяго расказаць. Але метады, як відаць, не мяняюцца. Мэта прапаганды — падзяліць нас, каб мы шукалі ворагаў сярод аднадумцаў. Я быццам бы адседзеў і выйшаў на свабоду, я пацярпеў, мая сям'я пацярпела, маці памірае, я дзялюся сваімі праблемамі, няправільна фармулюю думкі, мне дагэтуль цяжка гэта даецца, нягледзячы на псіхатэрапію, а ў людзей такая рэакцыя … І ўладзе менавіта такая рэакцыя і патрэбна. Нас пастаянна свараць. І пакуль мы не адзіныя, нас перамогуць. У нашым фільме мы і паспрабавалі паказаць, як раптоўна можна стаць ворагамі, а гэта няправільна».
Чытайце таксама:
«Венецыя, Берлін, Каны праяўляюць інтарэс». Расійскі рэжысёр з дапамогай Шклярава зняў у Таліне фільм аб пратэстах у Беларусі
Цяпер чытаюць
Галоўная рэдактарка гомельскай раёнкі пакаялася за тое, што абвінаваціла гурт «Дразды»5
Каментары