Хто стаіць за нелегальным букмекерам 1xBet? Forbes выпусціў сваё расследаванне
Арганізатары нелегальнага ў Расіі букмекера 1xBet — хлопцы з Бранска. Цяпер іх шукаюць і следчыя, і ашуканыя гульцы. А самі ўладальнікі канторы сядзяць на Кіпры, у горадзе Лімасол.
Forbes даведаўся, у чым сакрэт поспеху 1xBet і чаму арганізатары гэтага бізнэсу (Раман Семіохін, Сяргей Каршкоў і Дзмітрый Казорын) абвешчаныя ў вышук. А таксама пагутарыў з уладальнікамі скандальнай букмекерскай канторы.
У сярэдзіне 2000-х Семіохін з партнёрамі адкрыў камп'ютарны клуб — у падвале ў адным са спальных раёнаў Бранска. Акрамя падлеткаў, прыходзілі людзі старэйшыя, якія заходзілі ў інтэрнэт для ставак на спорт. Часам стаўкі перавышалі дзённую выручку клуба. Тады Семіохін задумаў стварыць сетку кантор па прыёме ставак пад крылом «Фанбет».
Свой першы пункт ён адкрыў у Доме культуры мясцовага машынабудаўнічага завода. Там жа выступала каманда КВЗ, капітанам якой быў Сяргей Каршкоў (у будучыні ён стане кіраўніком упраўлення па барацьбе з кіберзлачыннасцю).
Калі ў 2009 годзе ў Расіі закрылі казіно, наступіў росквіт букмекерскіх кантор.
Некалькі гадоў таму гандлёвая марка 1xBet перакачавала на кіпрскі афшор. Расійскім легальным брэндам засталася «1хставка».
Следства ацаніла нелегальны даход букмекераў за пяць гадоў у 63 мільярды расійскіх рублёў (848 мільёнаў даляраў). Уладальнікаў канторы абвясцілі ў вышук.
Да таго моманту бранскія мільярдэры ўжо атрымалі кіпрскія пашпарты і сядзелі на востраве.
У інтэрв'ю яны заяўляюць, што калі гульцы робяць стаўкі на нелегальнай і заблакаванай у Расіі платформе, то гэта адказнасць саміх гульцоў. «Можа быць, з рэгуляваннем тады нешта не так?»
У кіпрскім офісе букмекераў толькі айцішнікаў працуе 400 чалавек. Працэнтаў 80 з іх — людзі з Бранска. Ёсць работнікі і з Беларусі. Айцішнік там атрымлівае ад 3500 еўра. Плюс кампанія будуе дамы і раздае супрацоўнікам беспрацэнтныя крэдыты на кватэры. І будуе новы офіс за 20 млн еўра.
Падрабязнасці — у відэа вышэй.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары