«Вельмі любіць шкарпэткі». У хаце пенсіянераў ля Буда-Кашалёва ўжо тры гады жыве бусел ФОТЫ
Птушцы далі прыгожае жаночае імя Даша.
Як піша газета «Авангард», птушка трапіла ў дом пенсіянераў тры гады таму. Падчас урагану ў вёсцы Калініна зламалася старая ліпа з буслянкай, а з гнязда на зямлю выпалі двое птушанятаў. Іх падабраў пенсіянер Уладзімір Іванавіч.
Адно бусляня не выжыла, а другога сусед адвёз да ветэрынара. Аказалася, што ў яго пашкоджана крыло, а птушаня — дзяўчынка. Птушку вырашылі назваць Дашай.
З тых часоў птушка жыве з пенсіянерамі. Есць кільку і курыныя шыі. Узімку «на вуліцу і дзюбы не паказвае», а калі цяплее, з кошкай Кацяй гуляе па двары.
Выпусціць на волю птушку пенсіянеры не могуць: яна не прыстасаваная да жыцця ў дзікай прыродзе. Але не выключаюць, што могуць аддаць яе ў гадавальнік або заапарк, дзе птушка зможа знайсці сабе пару.
Даша вельмі любіць свайго гаспадара, і, па яго прызнанні, не адыходзіць ад яго ні на крок. Варта яму прылегчы — пачынае церабіць дзюбай па шавялюры.
Больш за ўсё ад яе ласкі пакутуюць шкарпэткі. Як прызнаюцца вяскоўцы, яны не паспяваюць купляць новыя.
Літоўскі вясковы падворак на мяжы з Беларуссю выглядае, як аўтасалон па продажы прэміяльных аўто ВІДЭА1
Каментары