Трэба зусім трошкі змяніць свае харчовыя звычкі, каб знізіць рызыку шматлікіх хвароб, звязаных са старэннем. Добра, што ніколі не позна гэта зрабіць.
Вось з чаго варта пачынаць.
Мінімізуйце спажыванне кілбас, сасісак і вяндлін
Некалькі даследванняў паказалі, што існуе сувязь паміж ужываннем апрацаванага мяса і дрэнным станам здароўя, піша New York Times.
Гарвардскія навукоўцы высветлілі, што ўжыванне адной порцыі прадуктаў з апрацаванага мяса (напрыклад, бекону, сасісак і шынкі) кожны дзень звязанае з павышэннем рызыкі сардэчных хвароб на 42%. Небяспека дыябету пры гэтым, як меркавана, ўзрастае на 19%.
Яшчэ адна праца звязала апрацаваныя мясныя прадукты з павышэннем небяспекі раку кішэчніка.
Ежце сінюю ежу (і прадукты іншых колераў).
Суперпрадуктаў з нейкімі магічнымі здольнасцямі палепшыць здароўе не існуе, але ж ёсць прадукты, якія адназначна карысныя для рацыёну. Сярод іх — чарніцы, дурніцы ды іншыя ягады. Адно даследаванне высветліла, што калі есці кожны дзень эквівалент аднаго стакана чарніц, гэта дапаможа знізіць крывяны ціск.
Большасць з нас не можа сабе такое дазволіць, але тады трэба дадаваць у рацыён іншую цёмную гародніну і садавіну — напрыклад, вішню і шпінат. У такіх прадуктах шмат харчовых рэчываў, клятчаткі і каратэноідаў.
Не ежце чыпсаў і батончыкаў
Як зразумець, што ежа апрацаваная? Добры індыкатар — такія прадукты прадаюцца ў магазіне ўжо запакаванымі. Гэта чыпсы, замарожаная піцца, шакаладныя батончыкі і г.д.
Але ж ёсць і выключэнні — некаторыя карысныя прадукты нельга прадаваць без упакоўкі. Напрыклад, гэта арэхі, яйкі, малако і аліўкавы алей.
Вывучыце правіла аднаго інгрэдыента
Калі ў запакаванай ежы ёсць толькі адзін інгрэдыент (напрыклад, фарш з мяса індычкі), хутчэй за ўсё, гэта карысны прадукт.
Не злоўжывайце вітаміннымі дадаткамі для ежы
Усё больш даследаванняў развенчваюць карысць прыняцця харчовых дадаткаў. Найлепшая парада — выдаткуйце грошы, якія вы планавалі патраціць на дадаткі, на новую пару красовак, абанемент у трэнажорную залу ці смачны здаровы абед для сябе і блізкіх. Усе гэтыя рэчы, хутчэй за ўсё, прынясуць больш карысці вашаму фізічнаму і псіхічнаму здароўю, чым каробка аптэчных вітамінаў.
Чым найлепш запіваць пончыкі, каб не набраць вагу? Толькі не кавай
Пра інфаркт па пунктах. Вы павінны гэта ведаць, каб здолець выратаваць блізкага
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары