Хутка пачнуць судзіць падпалкоўніка КДБ, які перадаваў тэлеграм-каналам «сакрэтную» інфармацыю
На тэлеканале АНТ у сакавіку мінулага года паказалі фільм «Аперацыя КДБ «Манкурты», у якім паведамілі пра затрыманне падпалкоўніка КДБ Аляксея Храловіча. Цяпер яго будуць судзіць за «здраду дзяржаве», паведамляюць праваабаронцы.
Год таму ў тым сюжэце паведамлялася, што Храловіча вінавацяць у «здрадзе дзяржаве».
Цяпер стала вядома, што яго сапраўды абвінавачваюць па ч. 2 арт. 356 Крымінальнага кодэкса (здрада дзяржаве, здзейсненая службовай асобай, якая займае адказнае становішча, ці асобай, на якую распаўсюджваецца статус вайскоўца).
Падпалкоўніку пагражае ад 10 да 20 гадоў пазбаўлення волі.
Згодна з фільмам, Храловіч меў дачыненне да перадачы Сцяпану Пуцілу ў лістападзе 2020 аўдыяразмоваў прэс-сакратаркі Лукашэнкі Наталлі Эйсмант з рознымі службовымі асобамі. Менавіта ў гэтых аўдыя гаварылася пра абставіны гібелі Рамана Бандарэнкі.
Але ў гэтым жа фільме сцвярджалася, што размовы — інсцэніроўка, пра якую Храловіч не ведаў. Таксама паведамлялася, што Аляксея затрымалі і далучылі да аператыўнай гульні, каб выявіць шляхі эвакуцыі беларусаў, якіх могуць пераследаваць па палітычных матывах.
Акрамя таго, сілавікі нібыта затрымалі і групу людзей, якія яму мусілі дапамагчы.
Суд над падпалкоўнікам КДБ пачнецца 21 сакавіка ў будынку Мінскага гарадскога суда. Справу ў закрытым рэжыме будзе разглядаць суддзя Дзіяна Кучук.
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары