«Азаронак задаваў пытанні, а ціхары паказвалі, каго браць». Распавядаем пра хапун на судзе па справе «Рэвалюцыйнага дзеяння»
Сёння пасля суда па справе «Рэвалюцыйнага дзеяння» затрымалі больш за 10 чалавек. Пад раздачу трапілі нават выпадковыя людзі і дыпламаты.
Відавочцы расказалі нам, якая была сітуацыя:
«Перад судом людзей запісвалі больш за гадзіну, хоць іх было няшмат. У кожнага запытвалі прозвішча, імя, дату нараджэння, адрас, потым абшуквалі-абмацвалі вельмі павольна, у выніку вельмі мала каго пусцілі. Пасля сказалі, што быццам суддзя ўжо ў зале і нельга ўваходзіць. Людзі пачалі абурацца, бо некаторыя не бачылі сваіх блізкіх па два гады.
Потым з'явіўся Азаронак і пачаў груба распытваць дыпламатаў і Эвеліну Шульц (намесніцу кіраўніка прадстаўніцтва ЕС у Беларусі) у прыватнасці. Паблізу стаялі ціхары і слухалі, хто што яму адказвае.
Адразу пасля суда пачаўся хапун. Спачатку «ўзялі» дыпламатаў, а потым ціхары выйшлі і паказвалі каго браць, пад «раздачу» трапілі і выпадковыя людзі. Вывалаклі нават жанчыну, якая проста пісала заяву на спатканне (пасля прысуду яно даецца праз суд).
Нешта не тое сказаў, ці ім так здалося — пад рукі і ў бусік. Сілу так паказвалі.
У выніку затрымалі некалькі сваякоў, частку дыпламатаў, якія ўвогуле не разумелі, што адбываецца, і выпадковых людзей. Цяпер, верагодна, яны ўсе ў аддзяленні ГУБАЗіК на Рэвалюцыйнай, бо ў РУУСах іх, кажуць, няма».
Сярод затрыманых маці Аляксея Галаўко Алена, яго брат Кірыл і пяць сяброў (Данііл Крашэўскі, Аляксандр Спаткай, Андрэй Уроніч, сяброўкі Ася і Алена), цётка Аляксандра Францкевіча Наталля, сваяк Паўла Шпетнага, маці палітвязняў Кіма і Аляксея Самусенкаў Людміла, праваабаронца Наста Лойка і некалькі прадстаўнікоў амбасадаў. Магчыма, затрымлівалася Эвеліна Шульц. Агулам, па нашых звестках, затрыманыя не менш за 13 чалавек.
94 гады на ўсіх — вынесены дзікі прысуд па справе «Рэвалюцыйнага дзеяння»
«Я ведаю — будучыня належыць нам». Моцнае апошняе слова Аляксандра Францкевіча
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары