Ежа1010

Рэцэпт на выхадныя. Курыца з сырам, вяндлінай і кабачкамі — хуткая і прыгожая

Гэтая курка выглядае так, нібыта вы патрацілі на яе гадзіны, але насамрэч яна робіцца дужа хутка. Яшчэ адзін плюс гэтай стравы — магчымасць выкарыстаць у ёй усе тыя кабачкі, якія ўжо невядома куды падзець.

Фота: BBC Food

Каб згатаваць курыцу з сырам, вяндлінай і кабачкамі, вам трэба:

  • 1 курыная грудка без скуры, разрэзаная ўздоўж напалову
  • 2 лусты цвёрдага сыру, тыпу галандскага ці швейцарскага, такой жа даўжыні, як і курыная грудка
  • 2 лусты вяндліны такой жа даўжыні, як і курыная грудка
  • 2 галінкі свежага размарыну такой жа даўжыні, як і курыная грудка — або трохі сушанага размарыну, калі свежага нямашака
  • трошкі мукі прысыпаць
  • 10 грамаў масла
  • 5 сталовых лыжак алею — найлепш аліўкавага, але можна і іншага
  • соль і молаты чорны перац
  • чвэрць шклянкі белага віна
  • 2 кабачкі, нарэзаныя круглікамі
  • 2 памідоры, нарэзаныя лустачкамі
  • здрабнёнае лісце з дзвюх галінак маярану (або чайная лыжка сушанага маярану)
  • 2 сталовыя лыжкі цёртага сыру — найлепш пармезану
  1. Разагрэйце духоўку да 230 градусаў.
  2. Здыміце лісце з размарыну і дробна яго нарэжце. Вазьміце голае сцябло размарыну і завастрыце яго тоўсты канец, каб атрымалася шпажка (можна замяніць зубачысткамі ці іншымі шпажкамі).
  3. Трохі адбіце кавалкі курыцы малатком для мяса або качалкай, потым прыпраўце курыцу соллю і чорным перцам, пасыпце размарынам.
  4. На кожны кавалак курыцы пакладзіце спачатку па лусце сыру, а потым па лусце вяндліны.
  5. Праткніце кураціну з сырам і вяндлінай сцяблом размарыну ці шпажкай, каб страва не развалілася. Калі вы бралі сушаны размарын, для гэтага можна выкарыстаць шпажку ці зубачыстку
  6. Каб згатаваць кабачкі, вазьміце невялікую форму для запякання і вышмаруйце яе дзвюма сталовымі лыжкамі алею.
  7. Выкладвайце ў форму па чарзе лусты кабачкоў і памідораў так, каб кожны новы кавалак гародніны крыху прыкрываў іншы. Прыпраўце соллю і перцам.
  8. Паліце зверху адной сталовай лыжкай алею, пасыпце маяранам і пармезанам.
  9. Пастаўце гародніну ў духоўку на 4—5 хвілін, пакуль сыр не пачне плавіцца і не стане залацістым.
  10. Тым часам абсыпце голую частку курыцы мукой і страсіце лішкі.
  11. Разагрэйце ў патэльні на сярэднім агні масла і 2 сталовыя лыжкі аліўкавага алею. Калі масла пачне пеніцца, пакладзіце ў патэльню курыцу. Спачатку смажце яе на сярэднім агні мякаццю ўніз прыкладна дзве хвіліны ці да залаціста-карычневага колеру, потым перавярніце курыцу і пячыце яе адну хвіліну на баку вяндліны да залацістага колеру.
  12. Зноў перавярніце курыцу і дадайце ў патэльню віно. Награвайце, пакуль віно не закіпіць, потым зменшыце агонь і гатуйце курыцу, пакуль вадкасць амаль цалкам не выпарыцца. Праверце, ці гатовая курыца, потым дастаньце яе і перакладзіце на талерку.
  13. Дадайце ў гэтую ж патэльню трохі масла і растапіце яго, каб масла змяшалася з рэшткамі віна і атрымаўся соус.
  14. Дастаньце з духоўкі кабачкі і памідоры і апырскайце іх аліўкавым алеем перад падачай на стол.
  15. Паліце курыцу соусам і адразу ж падавайце яе з запечанай гароднінай.

Рэцэпт на выхадныя. Пячэнне з шакаладам — лёгкі і смачны хатні дэсерт

Рэцэпт на выхадныя. Клефтыка — сакавітая бараніна з грэчаскім каларытам

Рэцэпт на выхадныя. Шакаладны мус з аліўкавым алеем — далікатная страва для вячэры з гасцямі

Каментары10

  • Максим Дизайнер
    01.10.2022
    В Беларуси нет нормального сыра!
  • тчк Мкс Дз р рр
    01.10.2022
    ага. таму што ўвесь нармальны беларускі сыр у Мацкве ці шчэ дзе. а рабы хай жаруць "продукт сырный из пыли подсыворотной сыворотки пошехонье"
  • Пані Поні
    01.10.2022
    Максим Дизайнер, так сыр там не белорусский, а швейцарский на сей раз. Долго думали, какой применить, асмтердамский, варшавский или рижский, сошлись на швейцарском. Курятина французская, с фермы, овощи марокканские, соль чилийская. Короче, Дизайнер, жри и не трындзи...
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Трамп падымае мыты супраць Кітая да 125%, прыпыняе іх супраць іншых краін34

Трамп падымае мыты супраць Кітая да 125%, прыпыняе іх супраць іншых краін

Усе навіны →
Усе навіны

У Мінску ўжо перапрадаюць блатныя аўтамабільныя нумары з васьмёркай. Колькі просяць?11

Мадура абвясціў надзвычайнае эканамічнае становішча ў Венесуэле ў адказ на мыты ЗША4

Расійскі акцёр Міхаіл Яфрэмаў, які забіў чалавека ў ДТЗ, выйшаў на свабоду пасля амаль 5 гадоў зняволення4

«Твой дом заўсёды побач». Мінская мастачка стварае кішэнныя паштоўкі — паглядзіце, як прыгожа

Бацька Ілана Маска мае дваіх дзяцей ад сваёй падчаркі, якая маладзейшая за яго на 42 гады11

Знаўца Леанід Клімовіч вярнуўся ў маскоўскі «Што? Дзе? Калі?»8

Тарыфы Трампа ўступілі ў сілу5

У Германіі затрымалі беларусаў з сотнямі плітак шакаладу

Найвядомейшая гістарычная выява Новага замка ў Гродне аказалася несапраўднай4

больш чытаных навін
больш лайканых навін

Трамп падымае мыты супраць Кітая да 125%, прыпыняе іх супраць іншых краін34

Трамп падымае мыты супраць Кітая да 125%, прыпыняе іх супраць іншых краін

Галоўнае
Усе навіны →

Заўвага:

 

 

 

 

Закрыць Паведаміць