Як стала вядома «Нашай Ніве», надламаны і памілаваны Юрый Чыж па выхадзе з СІЗА напісаў заявы ў органы на сваіх бліжэйшых сваякоў — сына і яго жонку. Незадоўга да пасадкі на нявестку быў перааформлены шыкоўны дом у Драздах.
Юрый Чыж выйшаў на волю на пачатку верасня, правёўшы ў СІЗА паўтара года па да канца не ясных абвінавачваннях.
У бізнэс-колах лічылася, што яго кашмарылі за нейкія таямнічыя мільёны, заробленыя, калі «пёрла» нафта, а ў наступным утоеныя.
Фармальнай прычынай стаў працяг разборак з Япрынцавым-Чукісавым. Чыжу прыйшлося выкручвацца з пагашэннем доўгу пад пагрозай канфіскацыі дома ў Лагожаску.
Канец гісторыі пра судовых выканаўцаў і Чыжа: былы алігарх прызнаў доўг, а разлік правялі па хітрай схеме
Пасля гэтай аперацыі Чыж падаў хадатайніцтва аб памілаванні і, пасля некалькіх месяцаў чакання, атрымаў станоўчае рашэнне.
Вось толькі, выйшаўшы на волю, Чыж вырашыў не спыняць сваіх адносін з органамі крымінальнага пераследу.
Як расказалі «Нашай Ніве» работнікі «Трайпл», Юрый Чыж напісаў заявы на свайго сына і нявестку.
«Што там у іх адбываецца не разбярэш з адлегласці. Але Чыж і да пасадкі амаль разарваў адносіны з сынам і падазраваў яго ў нейкай здрадзе. Цяпер вось вырашыў гэта аформіць заявамі. Сэнс у тым, што ў яго нібыта нешта скралі ці падманулі», — сказаў нам работнік «Трайпл».
Вядома, што Чыж перапісаў на нявестку свой дом у Драздах незадоўга да сваёй пасадкі, на фоне множных судоў, у якіх былыя партнёры і контрагенты патрабавалі з Чыжа выплат па даўгах.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары