Валерыя Меладзэ патрабуюць пазбавіць расійскага грамадзянства. У адказ на гэта ён зноў асудзіў вайну ва Украіне
На навагоднім канцэрце ў Дубаі спявак адказаў на фразу «Слава Украіне», якую выгукнуў адзін з гасцей. Меладзэ прыбраў мікрафон ад рота і сказаў: «Героям слава». Гэта раз’юшыла «патрыятычныя» сілы і некаторых расійскіх дэпутатаў, якія запатрабавалі пазбавіць спевака грузінскага паходжання расійскага грамадзянства.
Меладзэ ў адказ апублікаваў допіс, у якім не стаў каментаваць гэтыя патрабаванні, але зноў асудзіў вайну ва Украіне: «Я мару толькі пра тое, каб антаганізм спыніўся і паміж блізкімі народамі ўсталявалася згода. І дзеля гэтага я гатовы аддаць усе сілы».
Каментары