Мінфін ЗША: Расійскія алігархі ведалі пра дату ўварвання і кінуліся перапісваць свае актывы на сваякоў
Агенцтва барацьбы з фінансавымі злачынствамі пры Міністэрстве фінансаў ЗША FinCen апублікавала прамежкавую справаздачу аб выніках расследавання дзеянняў расійскіх алігархаў напярэдадні ўварвання Расіі ва Украіну.
Раней стала вядома, што яны, мяркуючы па ўсім, ведалі загадзя пра дату расійскага ўварвання ва Украіну і перавялі свае актывы на імя сваіх дзяцей, каб вывесці іх з-пад санкцый.
У сваёй справаздачы FinCen пацвярджае гэтую інфармацыю, абапіраючыся на справаздачы іншых структур, у якіх апісаны падазроныя аперацыі з мільярдамі даляраў на рахунках і ў фондах шэрагу расіян.
У пачатку студзеня брытанская Guardian, са спасылкай на ўцечкі, якія апынуліся ў распараджэнні рэдакцыі, падрабязна напісала пра дзеянні Рамана Абрамовіча.
Паводле інфармацыі выдання, у самым пачатку лютага, за тры тыдні да пачатку вайны, на дзесяці афшорных рахунках Абрамовіча адбылася імклівая рэарганізацыя.
З уцечак вынікае, што бенефіцыярамі фондаў з сумарнымі актывамі як мінімум у чатыры мільярды даляраў сталі сямёра дзяцей Абрамовіча, малодшаму з якіх дзевяць гадоў.
Актывы таксама ўключаюць нерухомасць, яхты і прыватныя самалёты.
Па часе гэтая актыўнасць таксама супала з папярэджаннем з боку заходніх краін пра немінучыя санкцыі ў дачыненні да блізкіх да Пуціна бізнэсменаў у выпадку ўварвання ва Украіну.
FinCen дае зразумець, што гаворка ідзе пра некалькіх расійскіх алігархаў і прадстаўнікоў эліты, якія звярнуліся да такой жа схемы. Але імёны іншых асоб пакуль не называюцца.
Цяпер чытаюць
Зала ў Мінску ўстала пры выкананні «Малітвы» Янкі Купалы ВІДЭА3
Каментары