Аб'яднаная грамадзянская партыя паведаміла пра раптоўную смерць свайго актывіста, члена Мінскай гарадской арганізацыі АГП Віктара Калея. Яму было 60 гадоў.
Прычынай смерці Віктара Калея стаў ускладнены апендыцыт. Па словах сяброў, 3 дні ён хадзіў у паліклініку, пакуль паклалі ў бальніцу. Учора нарэшце зрабілі аперацыю, але разрыў апендыкса ўжо адбыўся. А сёння, не прыходзячы да прытомнасці, ён памёр.
Такая смерць стала зусім неспадзяванай для ягоных сяброў і блізкіх. Як напісаў адзін з сяброў, палітык і грамадскі дзеяч Сяргей Вазняк, «яшчэ ў мінулую пятніцу былі разам з ім у саўне, пілі піва, будавалі планы на будучыню, жартавалі…»
Віктар Калей займаўся бізнэсам і быў вядомы як актывіст дэмакратычнага прадпрымальніцкага руху. У нулявыя гады ён быў намеснікам старшыні кампаніі «За свабоднае прадпрымальніцтва».
Пахаванне Віктара Калея прызначана на суботу, больш дакладная інфармацыя будзе пазней.
Цяпер чытаюць
Памерла 39-гадовая экс-палітзняволеная Ганна Кандраценка. У калоніі ў яе знайшлі рак, але не вызвалілі10
Каментары