Гусляр Алесь Чумакоў прэзентуе сёння ў Мінску свой новы альбом «Летуценнік»
Спадар Алесь прапануе 20 вядомых песень нашага часу, якія шчыра любіць і лічыць вартымі таго, каб праспяваць іх беларусам на іх мове.
Пагадзіцеся, вам жа хацелася, каб Фрэдзі Мэрк’юры ці Пол Маккартні заспявалі па-беларуску? А вялікі і жахлівы Озі Осбарн? А Віктар Цой? Так будзе!
Будуць сусветныя хіты, перакладзеныя на беларускую мову, а таксама найвядомейшыя шлягеры нашых «Песняроў». Ды пад гуселькі! А завершыць праграму пераклад з польскай «Мой любы Гомель», пра тое, як можна прайсці ўвесь свет і свой Гомель насіць у сэрцы.
Над перакладамі працавалі паэты Макс Шчур і Сяржук Сокалаў-Воюш.
Уваход вольны!
Каб падтрымаць кавярню, вы можаце проста набыць для сябе смачную каву, аўтарскія напоі і прысмакі.
Дата: 15 красавіка
Час: 17.00
Месца: кавярня «Над Нямігай», ГЦ «Метраполь» (3 паверх), вул. Няміга, 5, Мінск
Стартаваў чытацкі марафон, закліканы натхніць дзяцей больш чытаць па-беларуску
З тэрыторыі колішняга мінскага касцёла Святога Тамаша Аквінскага знікла ахоўная шыльда
Каментары