«Мабыць, моцна кахаў сваю жонку». Што вядома пра падвойнае забойства ў Крупках
Трагедыя адбылася на гэтых выхадных у Крупках. 16 красавіка ў райцэнтры здарылася падвойнае забойства — мужчына застрэліў сваю жонку і яе знаёмага. Асноўная версія — рэўнасць. «Мінская праўда» зʼездзіла ў райцэнтр і паразмаўляла з суседзямі.
36-гадовую жанчыну і 39-гадовага мужчыну з агнястрэльнымі раненнямі без прыкмет жыцця праваахоўнікі знайшлі ў прыватным сектары.
Міліцыю выклікаў сам падазраваны і чакаў іх на месцы здарэння. Целы забітых знаходзіліся на вуліцы.
Мясцовыя жыхары характарызуюць сямʼю станоўча. Муж і жонка працавалі, выхоўвалі дзяцей. Усё як ва ўсіх…
— Зразумела, што дробныя праблемы і нейкія сваркі могуць быць у любой сямʼі. Гэта жыццё. Але так, каб забіваць… нават самыя сур'ёзныя прычыны не нагода, каб пазбавіць чалавека жыцця, — упэўненая крупчанка Алеся.
Па яе словах, падазраваны быў паляўнічым, таму, відаць, у яго і была стрэльба.
— Наогул, ён спакойны хлопец. Што на яго найшло, незразумела. Мабыць, моцна кахаў сваю жонку, але наступіла мяжа. Ён ужо дараваў ёй і папярэджваў… — кажа яна.
— Яна хацела ад яго сысці, — кажа яшчэ адна жыхарка Крупак Марына. — І калі яму пра гэта сказала, напэўна, ён і сарваўся.
Паехаў на разборкі. Яго жонка таксама паехала туды. А гэты мужчына (сябар яго жонкі) знаходзіўся ў сваіх бацькоў. Відаць, спачатку была бойка… У яго машыне была зброя. Застрэліў ён іх якраз непадалёку ад дома бацькоў загінулага.
Крупкі — невялікае мястэчка, усе адзін аднаго ведаюць. Таму гэтая трагедыя прымусіла перажываць шмат каго, бо ў абедзвюх семʼях засталіся дзеці.
— Горш за ўсё, што пацярпелі дзеці. У загінулай жанчыны засталося двое дзяцей. Маці на могілках, бацька — за краты. Які цяпер чакае іх лёс? І ў загінулага мужчыны засталося двое непаўналетніх дзяцей. Яны ў чым вінаватыя? Вось гэта самае страшнае, — дадала жанчына.
Як паведамілі ў СК, следчыя правялі агляд месца здарэння, канфіскавалі зброю, а таксама дапыталі падазраванага і сведак. Акрамя таго, назначаны шэраг экспертных даследаванняў.
У дачыненні да 36-гадовага мужчыны распачатая крымінальная справа па ч. 2 арт.139 Крымінальнага кодэкса (забойства дзвюх асоб). Ён затрыманы. Праводзяцца следчыя дзеянні.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»30
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары