Вядомы сталічны даўгабуд «Магніт Мінска» пасля васьмігадовага перапынку нарэшце ўзяліся дабудоўваць, цяпер ім займаецца будтрэст №4. На аб'екце працуюць больш за 280 чалавек у дзве змены, паведаміў «Мінскбуд».
«У «Магніце Мінска» будуць пабудаваныя 352 кватэры. Плануецца, што жыллё будзе арэндным. Завяршыць будаўніцтва неабходна да канца бягучага года», — распавялі ў «Мінскбудзе».
На гэты момант вядуцца работы над цэнтральнай часткай з памяшканнямі гандлёва-грамадскага прызначэння, шматузроўневым адкрытым і двухузроўневым закрытым паркінгамі на 279 і 383 месцы. Потым возьмуцца за 11-павярховыя «крылы», дзе будзе жыллё, а таксама ніжнія ўзроўні з гандлёвымі памяшканнямі і падземнымі паркінгамі (2-я і 3-я чэргі).
«Магніт Мінска» на скрыжаванні вуліцы Кірылы Тураўскага і праспекта Незалежнасці першапачаткова павінен быў стаць комплексам з бізнэс-цэнтрам і гатэлем. Яго пачалі планаваць яшчэ ў 2009 годзе, калі Аляксандр Лукашэнка сваім указам зацвердзіў умовы будаўніцтва для беларускай «дачкі» іранскай кампаніі «Кейсан». Але пасля таго амбіцыйныя планы даводзілася неаднаразова пераглядаць, а ўрэшце праект быў на працяглы час фактычна замарожаны.
29 лістапада мінулага года аб'ект хацелі прадаць з аўкцыёну, але таргі праваліліся, бо на іх ніхто не запісаўся.
Дэпутатка, якая рыхтуе прыгажунь для Лукашэнкі, выйшла замуж23
Каментары