Мова1212

НІШО будзе! З’явіўся адкрыты слоўнік беларускага слэнгу, які можа дапоўніць кожны

Актывісты стварылі анлайн-слоўнік «НІШО», у якім, паводле задумы, будуць збірацца сучасныя беларускія словы, слэнг гарадскіх і сельскіх супольнасцяў, прафесійны жаргон, а таксама старыя словы, якія набываюць новы сэнс у сучасным кантэксце. 

НІШО: Твая мова — твае правілы

Праект стварыў актывіст Міхаіл Волчак са сваёй невялікай валанцёрскай камандай дызайнераў і праграмістаў. Ідэя ўзнікла восенню 2022 года на першым хакатоне digital-рашэнняў «Культурны код», які праводзіўся Беларускай радай культуры і Imaguru Startup HUB Vilnius.

Слова «Нішо», якое ўзята ў якасці назвы слоўніка, на заходнепалескім дыялекце азначае «нешта». Яно выбрана, відаць, невыпадкова, бо сам Волчак займаўся пчалярствам у палескай вёсцы.

У адрозненне ад іншых слоўнікаў, ствараць яго будуць не лінгвісты ці прафесійныя літаратары, а простыя людзі: адмыслоўцы ў розных галінах, падлеткі, блогеры, журналісты, наогул любы, хто штодзённа карыстаецца мовай. Каб пачаць дадаваць словы, дастаткова проста зарэгістравацца. Тым не менш каманда шукае гіка-лінгвіста, які дапаможа праекту ў зборы слоў і мадэрацыі кантэнту.

Прыклад слоўнікавага азначэння

Як тлумачыць стваральнік сайта, «слэнг можа быць прафесійны, гарадскі, узроставы, рэгіянальны, сельскі, субкультурны, наогул [кажучы], любы, якому, вы лічыце, варта быць у беларускай мове».

«Ваша мова — вашы правілы. І тады дакладна нішо будзе!» — тлумачаць стваральнікі сайта. 

Падобныя праекты існуюць і для іншых моў. Найбольш вядомы — анлайн-слоўнік моладзевых слоў і фраз англійскага слэнгу Urban Dictionary, створаны яшчэ ў 1993 годзе, які змяшчае больш за сем мільёнаў слоўнікавых азначэнняў. Матэрыялы на ім таксама рэдагуюцца валанцёрамі і ацэньваюцца наведвальнікамі сайта.

Каментары12

  • Старобілорус
    14.06.2023
    Выдатно. Подыйшол час его заполніть старобілорускім слэнкгом.
  • ЯНКА
    14.06.2023
    кніжны чарвяк, вывучыце напачатку, што значыць слова «зараз» і чым яно адрозьніваецца ад слова «цяпер».
    • кніжны чарвяк
      14.06.2023
      ЯНКА, запрашаю вас адрэдагаваць адпаведны артыкул Вікіслоўніка. Калі не знойдуцца кампетэнтныя валанцёры з Беларусі, то гэта замест іх не зробіць ніхто.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

«Мяне проста вывезлі на мяжу». Прарасійскага блогера амаль на месяц закрылі ў ізалятар, а пасля выкінулі з Беларусі3

«Мяне проста вывезлі на мяжу». Прарасійскага блогера амаль на месяц закрылі ў ізалятар, а пасля выкінулі з Беларусі

Усе навіны →
Усе навіны

Шарэнда-Панасюк: Недапушчальна ствараць з людзей, якія трымаюцца за кратамі, нейкіх недавумкаў40

У Мінску знік вядомы прарасійскі блогер і госць лукашэнкаўскай прапаганды10

Як ідзе рэканструкцыя былога будынка Дома друку2

«Жах, які быццам адбываецца не з табой!» Падрабязнасці пажару ў хаскі-парку пад Мінскам1

Памятаеце рэжысёра Туровіча з гаротным лёсам? Яго не выпускаюць з турмы, дадаюць тэрмін за «непадпарадкаванне»2

Ілан Маск: ЗША збанкрутуюць без скарачэнняў бюджэту6

Галоўная трэнерка зборнай Расіі па мастацкай гімнастыцы ідзе ў адстаўку. Раней СМІ паведамілі пра яе канфлікт з Алінай Кабаевай5

Трамп сустрэўся ў Белым доме з вернутым з Расіі амерыканцам і анансаваў вызваленне яшчэ аднаго6

«Саша заўсёды быў у тэме вайны». Гісторыя загінулага на фронце 22-гадовага беларускага снайпера12

больш чытаных навін
больш лайканых навін

«Мяне проста вывезлі на мяжу». Прарасійскага блогера амаль на месяц закрылі ў ізалятар, а пасля выкінулі з Беларусі3

«Мяне проста вывезлі на мяжу». Прарасійскага блогера амаль на месяц закрылі ў ізалятар, а пасля выкінулі з Беларусі

Галоўнае
Усе навіны →

Заўвага:

 

 

 

 

Закрыць Паведаміць