Мова1111

У ютубе з'явілася сакавітае шоу пра беларускую мову

У ютубе з'явілася новае забаўляльнае і адукацыйнае шоу — «Зёлкі-Шоу». Аўтары прапануюць разам вывучаць беларускую мову. У першым выпуску прынялі ўдзел блогерка Кацярына Васілёнак і вядоўца ютуб-каналаў «Годна» і «Годна Music» Мікіта Бялевіч. Паміж адказамі на пытанні яны дзяліліся некаторымі акалічнасцямі сваіх стасункаў з беларускай і іншымі мовамі. Расказваем пра самыя цікавыя моманты.

Зёлкі-шоу
У студыі падчас «Зёлкі-шоу». Скрын відэа

«Ботаць па фені» на беларускай мове

Вядоўца шоу Данік Касенка пацікавіўся ў гасцей пра самыя цікавыя моманты, звязаныя з беларускай мовай у школе.

Калі Мікіта Бялевіч заўважыў, што ў школе ён не паважаў беларускую мову, не размаўляў на ёй, а адзнака па прадмеце была 5-6 балаў, то Кацярына Васілёнак, у якой, па яе словах, па беларускай мове было 9 балаў, падзялілася больш яскравымі ўспамінамі.

Першы звязаны з спробамі зрабіць школу, у якой яна вучылася, рускамоўнай. Кацярына, якой тады было 13 гадоў, разам з іншымі вучнямі збірала подпісы супраць гэтага. Другі ўспамін звязаны з перыядам навучання ў каледжы. «Тады нас вучылі «ботаць па фені» на беларускай мове ці, іншымі словамі, выкарыстоўваць турэмны слэнг, але ў перакладзе на беларускую мову.

Шоу складалася з трох раўндаў. Прапануем чытачам паспрабаваць свае сілы ды адказаць на пытанні, што былі ў другім раўндзе. (Адказы ў канцы матэрыялу).

Удзельнікам неабходна было вызначыць, ці ёсць памылкі ў выказваннях. 

  1. «Зёлкі-шоў» паводле акадэмічнага правапісу пішацца з Ў (нескладовым).
  2. «Ты мой лепшы сябар! Я нікому так не давяраў, як табе!»
  3. «У Змітра Вайцюшкевіча мноства цудоўных песень».
  4. «Апрані гумовыя боты — на вуліцы дождж!»
  5. «Я некалькі разоў падаваўся на візу, але мне адказалі».
  6. «А чаму ты размаўляеш на мове?»

Колькі моваў ведае Мікіта Бялевіч

Мікіта адзначыў, што ён рос у Бабруйску і карыстаўся рускай мовай. Але, па яго словах, гэта такі «бабруйскі дыялект» рускай мовы. Акрамя гэтага, ён лічыць, што добра валодае беларускай і англійскай мовамі. А на цэнтралізаваным тэсціраванні па рускай мове ён набраў 27 балаў.

Шоу складалася з трох раўндаў і фіналу. Мы не будзем пераказваць усе пытанні і прапануем паглядзець гэтае шоу цалкам.

Прызнанне ў каханні Зянону Пазняку

Па выніках гульні пераможцам стаў Мікіта Бялевіч. А Кацярыну Васілёнак чакала пакаранне. З прапанаваных на выбар картак з заданнямі, змест якіх быў нябачны, Мікіта выбраў для Кацярыны заданне — выкласці пост у інстаграм, дзе яна прызнаецца ў каханні Зянону Пазняку.

Кацярына была толькі за гэта і згадала словы Аляксандра Івуліна аб тым, што калі яна будзе заставацца такой жа радыкальнай і надалей, то яна «зробіцца як Зянон Пазняк».

Кацярына адзначыла, што ў яе ёсць здымак разам з гэтым палітыкам. Якраз яго яна і выкарыстала для новага допісу ў сваім інстаграме.

Адказы

  1. Паводле акадэмічнага правапісу ў запазычаных словах такіх як шоу, фрау, Ландау а таксама ў словах на -ус і -ум трэба пісаць У (складовае). Таму правільна пісаць «Зёлкі-шоу».
  2. Лепшы — гэта вышэйшая ступень параўнання: гэты сябар можа быць лепшы ЗА іншага. А вось калі ён самы-самы, то ён НАЙлепшы сябар — найвышэйшая ступень параўнання.
  3. У сказе няма памылак. Імя Зміцер скланяецца з беглым галосным гукам: Змітра, Змітром, Змітру. Слова «песень» з мяккім знакам на канцы таксама слушная форма скланення назоўніка з мяккай асновай «песня», хоць у маўленні цяпер і пашыраецца форма «песняў». Але яна не нарматыўная.
  4. Апрануць можна вопратку. А абутак мы абуваем або надзяваем.
  5. Замест слова «адказалі» трэба выкарыстоўваць слова «адмовілі». Адказаць маглі як станоўча, так і адмоўна. Але ў гэтым кантэксце якраз адмовілі, бо не далі візу.
  6. Трэба ўдакладняць, на якой мове. Напрыклад: на беларускай мове або на ўкраінскай мове, па-ўкраінску ці па-беларуску.

Чытайце яшчэ:

НІШО будзе! З’явіўся адкрыты слоўнік беларускага слэнгу, які можа дапоўніць кожны

Запрацаваў сэрвіс «Моўная даведка» ад Інстытута мовазнаўства

Родная мова вызначае здольнасць успрымаць музыку

Каментары11

  • Іна
    18.06.2023
    Рэшткі яблыка, гэта смешна! Гэта недагрызак, як ад цыгарэты недакурак.
  • Хочамведаць
    18.06.2023
    А чаму Антось Жупран саромеецца напісаць пра крыніцы фінансавання гэтага сакавітага шоў?
  • А я хачу сказаць дзякуй за новае шоУ
    18.06.2023
    Хочамведаць, не турбуйцеся, фінансаванне ідзе з фондаў Еўрасаюза, не з вашай кішэні, бо беларусы пакуль не гатовыя стала інвеставаць у нашую мову і культуру. Нажаль, але гэта факт. А калі нешта не падабаецца, як кажуць, крытыкуеш - прапануй, ці зрабі сам лепей і на ўласныя грошы)

Папулярны польскі трэвэл-блогер расказаў пра сваю паездку ў Беларусь і даў парады7

Папулярны польскі трэвэл-блогер расказаў пра сваю паездку ў Беларусь і даў парады

Усе навіны →
Усе навіны

Расіянін сярод белага дня зладзіў дрыфт на праспекце Пераможцаў. ДАІ яго знайшла і прымусіла выбачацца2

«Фактар ​​Свіфт». Амерыканская грамадскасць чакае заявы Тэйлар Свіфт наконт Байдэна4

YouTube у Расіі могуць заблакаваць у верасні, пішуць СМІ. У Крамлі называюць гэта няпраўдай4

У цэнтры Мінска грузавік захрас пад мостам — кіроўца не ацаніў вышыні грузу1

Белгідрамет упершыню сёлета абвясціў максімальны чырвоны ўзровень небяспекі

Абраннік Маргарыты Ляўчук расказаў, як пазнаёміўся з ёй і даведаўся пра дзіця10

«Няўжо мы, вернікі Беларусі, заслужылі такое пакаранне?» Парафія зачыненага Чырвонага касцёла звярнулася да Наталлі Пяткевіч5

КР падпісала мемарандум з украінскім фондам, заснавальнік якога праславіўся фразай «украінцы заслужылі вайну»30

Бондарава назвала Дзерманта «патлатым хлопчыкам», які «праявіў свой латэнтны гомасэксуалізм»15

больш чытаных навін
больш лайканых навін

Папулярны польскі трэвэл-блогер расказаў пра сваю паездку ў Беларусь і даў парады7

Папулярны польскі трэвэл-блогер расказаў пра сваю паездку ў Беларусь і даў парады

Галоўнае
Усе навіны →