Напярэдадні Уімблдонскага турніру прынцэса Уэльская Кэтрын (Кейт Мідлтан) згуляла ў тэніс з экс-першай ракеткай свету Роджэрам Федэрэрам.
Васьміразовы чэмпіён Уімблдона Роджэр Федэрэр і прынцэса Уэльская напярэдадні брытанскага турніру Вялікага шлема, што стартуе ў наступны панядзелак, узялі ўдзел у здымках фільма, прысвечанага незаўважнай, але важнай працы болбояў і болгёрл на травяным мэйджары, калі дзеці падаюць мячыкі гульцам.
Зорныя госці пагутарылі з хлопчыкамі і дзяўчаткамі і паспрабавалі сябе ў іх ролі, а таксама згулялі адно з адным у тэніс на корце №3 Усеанглійскага клуба лаўн-тэніса і кракета, дзе 20 гадоў таму швейцарац пачаў шлях да свайго першага трафея на Уімблдоне. Выбітны тэнісіст завяршыў кар'еру ў 2022 годзе, аднак назаўжды застаўся легендай гэтага віду спорту.
Кейт таксама добра гуляла. «Падача Кейт выглядае добра», — напісала англійская прэса.
Кейт Мідлтан 41 год. Жонка прынца Уэльскага Уільяма і маці траіх дзяцей мае годныя поспехі ў спорце. Яна плавае ў басейне, бегае, гуляе ў тэніс, катаецца на лыжах. І наогул вядзе сціплы лад жыцця для прынцэсы.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі74
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары