Грамадства88

Лукашэнка распавёў, дзе ПВК «Вагнер» і Прыгожын

Журналісты сёння на прэс-канферэнцыі спыталі Аляксандра Лукашэнку пра лёс вагнераўцаў і Прыгожына, якія павінны былі з'ехаць у Беларусь. 

Лукашэнка адказаў, што ПВК «Вагнер» — гэта расійская кампанія, таму пытанне не да яго.

«Наколькі я інфармаваны, байцы знаходзяцца ў сваіх лагерах. Што тычыцца Прыгожына, то ён знаходзіцца ў Піцеры. На тэрыторыі Беларусі яго няма», — адказаў Лукашэнка.

Але, па яго словах, ён не бачыць рызык для Беларусі, калі байцы ПВК будуць размешчаны ў краіне. На яго думку, ПВК «Вагнер» у Беларусі можа быць задзейнічана для абароны краіны.

«Мяне абсалютна не хвалюе і не турбуе, што ў нас будзе размешчана пэўная колькасць гэтых байцоў. Больш за тое, яны будуць размешчаны пад пэўныя ўмовы. Галоўная ўмова: калі нам трэба будзе задзейнічаць гэтае падраздзяленне для абароны дзяржавы, яно будзе задзейнічана імгненна. І іх вопыт будзе запатрабаваны», — сказаў ён.

Журналісты з Францыі запыталі пра здымкі са спадарожніка, на якіх відаць, што пад Асіповічамі ўзводзіцца лагер для ПВК «Вагнер». Раней пра тое, што пачалі аднаўляць закінуты ваенны гарадок пад вёскай Цэль, расказвалі мясцовыя жыхары. На нядаўніх спадарожнікавых здымках былі відаць палаткі. Расійскія каналы публікавалі таксама фоты самога лагера знутры. Лукашэнка адказаў, што лагеры «мы не ўзводзім».

«Мы прапанавалі ім некалькі былых вайсковых гарадкоў, якія выкарыстоўваліся ў савецкі час, у тым ліку пад Асіповічамі. Калі яны пагодзяцца. Але ў ПВК «Вагнер» іншае бачанне па размяшчэнні (натуральна, пра гэта бачанне я вам не скажу)», — адказаў ён.

На сённяшні дзень, паводле Лукашэнкі, пытанне перадыслакацыі падраздзялення не вырашана.

Журналіст BBC Стывен Розэнберг спытаў у Лукашэнкі, ці гатоў той дазволіць вагнераўцам выкарыстоўваць беларускую тэрыторыю для нападу на Украіну?

«Мы ніколі ні на каго не нападалі. І з нашай тэрыторыі ніхто нападаць не збіраецца», — адказаў у традыцыйнай манеры Лукашэнка.

Згодна з афіцыйнай версіяй, агучанай як Пуціным, так і Лукашэнкам, адной з умоў пагаднення з вагнераўцамі быў іх «адыход» у Беларусь. 

Каментары8

  • даведка
    06.07.2023
    Бесплатно никто не будет оставаться в ЧВК «Вагнер», а у Лукашенко с сыном нет миллиарда на их содержание.
  • 1517
    06.07.2023
    ..." Што тычыцца Прыгожына, то ён знаходзіцца ў Піцеры"... дзе гуляў Скарына ў зялёным свiцеры". :)

  • Уё
    06.07.2023
    даведка, ёсьць. Адных калійны соляў камуніздзіць 2 млд.$ на год.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Пасля вяртання ў Беларусь арыштавалі Вераніку Жалубоўскую — сцюардэсу Катарскіх авіяліній, актрысу і мадэль3

Пасля вяртання ў Беларусь арыштавалі Вераніку Жалубоўскую — сцюардэсу Катарскіх авіяліній, актрысу і мадэль

Усе навіны →
Усе навіны

Мінабароны: Беларусь гатова да ўзаемных вайсковых інспекцый з Польшчай на глыбіню 80 км5

«Спадар прэзідэнт, не Украіна пачала гэтую вайну». Заявы Трампа аб Украіне і яго канфлікт з Зяленскім шакавалі многіх рэспубліканцаў20

«Марк Фармель» паставіў у вітрыну замест манекена мужчыну з голым торсам7

Стала вядома, калі ў Беларусі правядуць вучэнні «Захад-2025»

У цэнтры Мінска чатыры аўтамабілі ўрэзаліся адзін за адным1

Уначы зноў было за мінус 20°С

Як выглядаў Мінск 100 гадоў таму? Штучны інтэлект ажывіў гістарычныя фота — атрымалася захапляльнае відэа7

Пуцін хоча ператварыць Украіну ў другую пакорлівую Чачню5

Саудаўцы будуюць фантастычны мегаполіс «Лінія», куды можна будзе засяліць усю Беларусь. Кошт — $1 трыльён ШМАТ ФОТА3

больш чытаных навін
больш лайканых навін

Пасля вяртання ў Беларусь арыштавалі Вераніку Жалубоўскую — сцюардэсу Катарскіх авіяліній, актрысу і мадэль3

Пасля вяртання ў Беларусь арыштавалі Вераніку Жалубоўскую — сцюардэсу Катарскіх авіяліній, актрысу і мадэль

Галоўнае
Усе навіны →

Заўвага:

 

 

 

 

Закрыць Паведаміць