Баранавіцкіх школьнікаў звадзілі на конкурс прафмайстэрства па штучным асемяненні
Баранавіцкі афіцыйны тэлеграм-канал выдаў справаздачу пра правядзенне ў раёне праекта «Формула поспеху. Адзін дзень з кіраўніком». У рамках гэтага праекта некалькім школьнікам выпала шчасце сустрэцца са старшынёй райвыканкама і пазнаёміцца з асаблівасцямі яго працы.
Пропускам для сустрэчы з кіраўніком раёна паслужыла перамога ў праведзеным перад тым конкурсе эсэ «Калі б я быў старшынёй райвыканкама».
Спачатку дзеці паразмаўлялі з вертыкальшчыкам у ягоным працоўным кабінеце, а пасля іх чакалі нарада па будаўніцтве, знаёмства з сельгасарганізацыямі раёна, наведванне дзіцячага дома сямейнага тыпу і іншыя мерапрыемствы.
Вішанькай на торце стала наведванне конкурсу прафмайстэрства сярод спецыялістаў па штучным асемяненні буйной рагатай жывёлы.
Каментары
б
калі б іх запрасілі на тойцік да яго дамоў... хаця і так усё ясна