Трэнер «Арыса»: Прабачце, я таксама беларус, мне горка, крыўдна за сваю краіну
Галоўны трэнер «Арыса» Аляксей Шпілеўскі пракаментаваў разгром БАТЭ (6:2) у першым матчы 2-га кваліфікацыйнага раўнда Лігі чэмпіёнаў.
«Добрая гульня, яна спадабалася людзям. Я вельмі задаволены сваёй камандай. Мы бачылі, што можам забіць шмат мячоў, але маглі шмат і прапусціць. Адправімся ў госці з перавагай.
Вельмі рады перамозе. Прабачце, я таксама беларус, мне горка, крыўдна за сваю краіну. Але сёння я трэнер «Арыса», і мы зрабілі ўсё што маглі, каб выйграць гэты матч.
Я не буду строга судзіць сваіх гульцоў, проста скажу ім дзякуй. БАТЭ я зычу ўсяго самага найлепшага.
Мы нясём адказнасць за ўвесь Кіпр. Я хачу сказаць заўзятарам: прыходзьце на стадыён, крычыце», — цытуе словы Шпілеўскага «Трыбуна».
Аляксей Шпілеўскі ў свой час трэніраваў брэсцкае «Дынама», казахстанскі «Кайрат», які прывёў да чэмпіёнства ў 2020 годзе, некалькі месяцаў трэніраваў клуб нямецкага другога дывізіёна «Эрцгэбіргэ». «Арыс» пад яго кіраўніцтвам упершыню стаў чэмпіёнам Кіпра.
Цяпер чытаюць
У Тайландзе знікла анліфаншчыца з Пінска. Яе маглі прадаць у М'янму4
Каментары