Trenier «Arysa»: Prabačcie, ja taksama biełarus, mnie horka, kryŭdna za svaju krainu
Hałoŭny trenier «Arysa» Alaksiej Špileŭski prakamientavaŭ razhrom BATE (6:2) u pieršym matčy 2-ha kvalifikacyjnaha raŭnda Lihi čempijonaŭ.
«Dobraja hulnia, jana spadabałasia ludziam. Ja vielmi zadavoleny svajoj kamandaj. My bačyli, što možam zabić šmat miačoŭ, ale mahli šmat i prapuścić. Adpravimsia ŭ hości ź pieravahaj.
Vielmi rady pieramozie. Prabačcie, ja taksama biełarus, mnie horka, kryŭdna za svaju krainu. Ale siońnia ja trenier «Arysa», i my zrabili ŭsio što mahli, kab vyjhrać hety matč.
Ja nie budu stroha sudzić svaich hulcoŭ, prosta skažu im dziakuj. BATE ja zyču ŭsiaho samaha najlepšaha.
My niasiom adkaznaść za ŭvieś Kipr. Ja chaču skazać zaŭziataram: prychodźcie na stadyjon, kryčycie», — cytuje słovy Špileŭskaha «Trybuna».
Alaksiej Špileŭski ŭ svoj čas treniravaŭ bresckaje «Dynama», kazachstanski «Kajrat», jaki pryvioŭ da čempijonstva ŭ 2020 hodzie, niekalki miesiacaŭ treniravaŭ kłub niamieckaha druhoha dyvizijona «Erchebirhe». «Arys» pad jaho kiraŭnictvam upieršyniu staŭ čempijonam Kipra.
«Na matčy chadziła 50 čałaviek, a ciapier 4000». Jak biełarusy pieraradzili futbolnuju kamandu na Kipry i zrabili jaje čempijonam i ekanamičnym pośpiecham
Viesieła, ale biez šancaŭ. BATE prajhraŭ «Arysu» ź likam 2:6
Bramnik i abaronca BATE ledź nie pabilisia prosta na poli paśla prapuščanaha miača VIDEA
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka1
Kamientary