Зніклы расійскі камбат знайшоўся ва ўкраінскім палоне. На відэа ён наносіць на карту для УСУ расійскія вайсковыя пазіцыі
Зніклы пяць дзён таму расійскі камандзір батальёна №1822 з Самары маёр Томаў знойдзены жывым, ён дае паказанні ўкраінскім вайскоўцам.
На апублікаваным відэа Томаў наносіць на карту расійскія пазіцыі і ўмацаванні ўздоўж усходняга берага Дняпра.
Сувязь з расійскай разведгрупай з 16 чалавек пад камандаваннем маёра Томава знікла 8 жніўня. Паведамлялася, што група не выйшла на кантрольны пункт.
Раней у СМІ з'явілася інфармацыя аб «дзёрзкай акцыі» ўкраінскага спецназа на левым беразе Дняпра ў Херсонскай вобласці, заўважыла «Люстэрка».
Як распавёў эксперт нямецкага выдання BILD Юльян Рёпкэ , раніцай 8 жніўня ўкраінскім спецназаўцам удалося на невялікіх лодках пераправіцца цераз рэкі Днепр і Конка і высадзіцца на паўднёвым беразе ў раёне Казачых Лагераў. Пад прыкрыццём ракет спецназ штурмаваў расійскія пазіцыі.
Далейшыя дзеянні былі больш рызыкоўнымі, адзначаў ваенны эксперт. Захапіўшы расійскую пазіцыю, украінцы імітавалі заклік расійскіх салдат аб дапамозе, выкарыстаўшы ці то рацыю, ці нават мабільны тэлефон аднаго з забітых расейцаў. Пасля гэтага расійскі камбат Томаў у суправаджэнні яшчэ прыкладна дзесяці вайскоўцаў паехаў на перадавую, дзе яго чакала ўкраінская пастка.
Украінскія вайскоўцы адмаўлялі пераброску сваіх вайскоўцаў на левы бераг Дняпра.
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм15
Каментары
Побольше таких