У Беларусі будуць вырабляць прэпараты кітайскай народнай медыцыны — Мінздароўя
Міністр аховы здароўя Дзмітрый Піневіч паведаміў, што ў Беларусі плануюць лакалізаваць вытворчасць умацавальных, гарачкапаніжальных і лінейку агульных прэпаратаў традыцыйнай кітайскай медыцыны. Паводле яго слоў, наладзіць вытворчасць павінны налета.
«Мы цяпер купляем і гатовыя лекавыя прэпараты, і амаль 500 субстанцый у Кітаі. Хацелі б пашырыць спектр закупкі гэтых субстанцый, якія адпавядаюць нашым патрабаванням, зарэгістраваць іх, а затым лакалізаваць іх вытворчасць на тэрыторыі Беларусі», — сказаў Піневіч.
Таксама інвестарам з Кітая прапанавана пабудаваць цэнтр традыцыйнай кітайскай медыцыны ў індустрыяльным парку «Вялікі камень». А пакуль там спрошчаныя ўмовы аказання медыцынскіх паслуг з прымяненнем лекавых прэпаратаў, вырабаў, методык лячэння, зарэгістраваных у Кітаі і шэрагу іншых краін.
Каментары