«Без іх рашэння не возьмуць нават у санітаркі». У бальніцах цяпер ёсць свае ідэолагі
Тэлеграм-канал «Белыя халаты» паведаміў, што ў лячэбных установах цяпер ёсць намеснікі галоўнага доктара па ідэалогіі. «Наша Ніва» высветліла некаторыя дэталі.
Як пішуць «Белыя халаты», у задачы ідэолагаў уваходзяць гутаркі з работнікамі медыцынскіх устаноў, а таксама стварэнне і адміністраванне «сацсетак ідэалагічна правільнай скіраванасці».
Па словах саміх медыкаў, адказных за «ідэалагічна правільнае выхаванне кадраў» пачалі прызначаць яшчэ ў канцы мінулага года.
Галоўнай на той момант іх задачай была зачыстка ўстаноў аховы здароўя ад дактароў, нелаяльных да рэжыму Лукашэнкі.
Пад увагу найперш трапілі ўдзельнікі пратэстаў 2020 года. З сілавых структур кіраўніцтву бальніц паступалі спісы супрацоўнікаў, заўважаных на маршах і акцыях салідарнасці. Непажаданымі былі лекары, якія ў калектыве выказвалі думкі аб кепскім стане беларускай медыцыны.
Ад іх спачатку патрабавалі напісаць тлумачэнне, а затым ідэолагі прапаноўвалі звольніцца па згодзе бакоў. Пагражалі праблемамі, калі тыя ўпарціліся.
«Гэты супрацоўнік перыядычна выклікае да сябе супрацоўнікаў і правярае іх тэлефоны. У яго ў бальніцы ёсць свае інфарматары. Без яго рашэння не могуць узяць на працу нават санітарку», — расказала доктарка адной з бальніц Віцебскай вобласці аб працы ідэолага.
Журналіст «Нашай Нівы» паспрабаваў запісацца на прыём да «намесніка галоўнага доктара па ідэалогіі».
У трох бальніцах патлумачылі, што пытаннямі ідэалогіі займаецца «намеснік галоўнага доктара па арганізацыйна-метадычнай рабоце з сумяшчэннем ідэолага». Ён сустракаецца з медыкамі, збірае інфармацыю пра сітуацыю ў калектыве і арганізоўвае ідэалагічныя мерапрыемствы.
У яшчэ адной лякарні за ідэалогію паставілі адказваць намесніка галоўнага доктара па медыцынскай частцы, грамадзянскай абароне і мабілізацыйнай рабоце.
У двух бальніцах параілі пагутарыць пра ідэалогію з намеснікамі галоўнага доктара па бяспецы, рэжыму і кадрах.
У структуры медыцынскіх устаноў яны кантралююць аддзелы кадраў, юрыстаў, сектар аўтаматызаваных сістэм. На сайтах прагледжаных намі лякарняў фотаздымкі такіх супрацоўнікаў адсутнічаюць. Не пазначаныя і іхнія службовыя абавязкі.
Яшчэ ў дзвюх лякарнях заявілі, што за пытанні ідэалогіі адказвае асабіста галоўны доктар.
Паводле тэлеграм-канала «Белыя халаты», пасаду намесніка па кадрах у бальніцах увялі ў 2021 годзе. Яе звычайна займаюць асобы, якія не маюць дачынення да медыцынскай галіны.
«Калі на прадпрыемствах ёсць ідэолагі, то чаму іх не мусіць быць у іншых дзяржаўных арганізацыях? Бальніцы не выключэнне. Яны дзяржаўныя. За нас вырашаюць, якія пасады ўводзіць у штатны расклад», — сказаў прадстаўнік адміністрацыі адной з лякарняў.
Паводле яго, адказныя за ідэалогію — не публічныя работнікі, таму пра іх і няма звестак. Суразмоўца не захацеў гаварыць, як ідэолагі выправяць сітуацыю з недахопам кадраў у медычных установах.
Згодна з нацыянальным банкам вакансій, медычным установам краіны патрабуецца 6467 дактароў-спецыялістаў, 4122 медсястры, 2284 санітары.
«Наша Нiва» — бастыён беларушчыны
ПАДТРЫМАЦЬГлядзіце таксама:
Цяпер чытаюць
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны16
Каментары
было сказано мне очередной позавчерашней "властью"
извините, но
вот как-то не легло
Её не было, нет и не будет !
Простите, когда фашизмом называют антифашизм, когда начинают бороться с выдуманным, на потребы власти, нацизмом и экстремизмом, бороться нацистскими методами, и, когда, эту, гремучую смесь, неонацизма и фашизма современной власти в Беларуси, тянут в московскую церковь в Беларуси, чтобы получить добро попов, которые освещают оружие для убийства христиан в Украине, оружие, для избиения и пыток христиан в Беларуси, прикрыв это покровами советской демагогии, то это не идеология, это - примитивный обман и наглая ложь.
В обман и ложь невозможно уверовать, возможно только её терпеть и смириться с нею, из-за репрессии и террора незаконной власти, в условиях узаконенного беззакония.
Да и невозможна идея и идеология там, где власть меняет взгляды, на 180 градусов, только для того, чтобы незаконно, продолжать, держать власть.
А, так называемые идеологи, нужны только для того, чтобы выявлять тех, кто не согласен принять обман и ложь незаконной власти лукашенко.