«Bieź ich rašeńnia nie voźmuć navat u sanitarki». U balnicach ciapier jość svaje ideołahi
Telehram-kanał «Biełyja chałaty» paviedamiŭ, što ŭ lačebnych ustanovach ciapier jość namieśniki hałoŭnaha doktara pa ideałohii. «Naša Niva» vyśvietliła niekatoryja detali.
Jak pišuć «Biełyja chałaty», u zadačy ideołahaŭ uvachodziać hutarki z rabotnikami miedycynskich ustanoŭ, a taksama stvareńnie i administravańnie «sacsietak ideałahična pravilnaj skiravanaści».
Pa słovach samich miedykaŭ, adkaznych za «ideałahična pravilnaje vychavańnie kadraŭ» pačali pryznačać jašče ŭ kancy minułaha hoda.
Hałoŭnaj na toj momant ich zadačaj była začystka ŭstanoŭ achovy zdaroŭja ad daktaroŭ, niełajalnych da režymu Łukašenki.
Pad uvahu najpierš trapili ŭdzielniki pratestaŭ 2020 hoda. Ź siłavych struktur kiraŭnictvu balnic pastupali śpisy supracoŭnikaŭ, zaŭvažanych na maršach i akcyjach salidarnaści. Niepažadanymi byli lekary, jakija ŭ kalektyvie vykazvali dumki ab kiepskim stanie biełaruskaj miedycyny.
Ad ich spačatku patrabavali napisać tłumačeńnie, a zatym ideołahi prapanoŭvali zvolnicca pa zhodzie bakoŭ. Pahražali prablemami, kali tyja ŭparcilisia.
«Hety supracoŭnik pieryjadyčna vyklikaje da siabie supracoŭnikaŭ i praviaraje ich telefony. U jaho ŭ balnicy jość svaje infarmatary. Bieź jaho rašeńnia nie mohuć uziać na pracu navat sanitarku», — raskazała doktarka adnoj z balnic Viciebskaj vobłaści ab pracy ideołaha.
Žurnalist «Našaj Nivy» pasprabavaŭ zapisacca na pryjom da «namieśnika hałoŭnaha doktara pa ideałohii».
U troch balnicach patłumačyli, što pytańniami ideałohii zajmajecca «namieśnik hałoŭnaha doktara pa arhanizacyjna-mietadyčnaj rabocie z sumiaščeńniem ideołaha». Jon sustrakajecca ź miedykami, źbiraje infarmacyju pra situacyju ŭ kalektyvie i arhanizoŭvaje ideałahičnyja mierapryjemstvy.
U jašče adnoj lakarni za ideałohiju pastavili adkazvać namieśnika hałoŭnaha doktara pa miedycynskaj častcy, hramadzianskaj abaronie i mabilizacyjnaj rabocie.
U dvuch balnicach paraili pahutaryć pra ideałohiju z namieśnikami hałoŭnaha doktara pa biaśpiecy, režymu i kadrach.
U struktury miedycynskich ustanoŭ jany kantralujuć adździeły kadraŭ, jurystaŭ, siektar aŭtamatyzavanych sistem. Na sajtach prahledžanych nami lakarniaŭ fotazdymki takich supracoŭnikaŭ adsutničajuć. Nie paznačanyja i ichnija słužbovyja abaviazki.
Jašče ŭ dźviuch lakarniach zajavili, što za pytańni ideałohii adkazvaje asabista hałoŭny doktar.
Pavodle telehram-kanała «Biełyja chałaty», pasadu namieśnika pa kadrach u balnicach uviali ŭ 2021 hodzie. Jaje zvyčajna zajmajuć asoby, jakija nie majuć dačynieńnia da miedycynskaj haliny.
«Kali na pradpryjemstvach jość ideołahi, to čamu ich nie musić być u inšych dziaržaŭnych arhanizacyjach? Balnicy nie vyklučeńnie. Jany dziaržaŭnyja. Za nas vyrašajuć, jakija pasady ŭvodzić u štatny raskład», — skazaŭ pradstaŭnik administracyi adnoj ź lakarniaŭ.
Pavodle jaho, adkaznyja za ideałohiju — nie publičnyja rabotniki, tamu pra ich i niama źviestak. Surazmoŭca nie zachacieŭ havaryć, jak ideołahi vypraviać situacyju z niedachopam kadraŭ u miedyčnych ustanovach.
Zhodna z nacyjanalnym bankam vakansij, miedyčnym ustanovam krainy patrabujecca 6467 daktaroŭ-śpiecyjalistaŭ, 4122 miedsiastry, 2284 sanitary.
«Naša Niva» — bastyjon biełaruščyny
PADTRYMAĆHladzicie taksama:
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu4
Kamientary
było skazano mnie očieriednoj pozavčierašniej "vłasťju"
iźvinitie, no
vot kak-to nie lehło
Jejo nie było, niet i nie budiet !
Prostitie, kohda fašizmom nazyvajut antifašizm, kohda načinajut boroťsia s vydumannym, na potrieby vłasti, nacizmom i ekstriemizmom, boroťsia nacistskimi mietodami, i, kohda, etu, hriemučuju śmieś, nieonacizma i fašizma sovriemiennoj vłasti v Biełarusi, tianut v moskovskuju cierkov́ v Biełarusi, čtoby połučiť dobro popov, kotoryje ośvieŝajut oružije dla ubijstva christian v Ukrainie, oružije, dla iźbijenija i pytok christian v Biełarusi, prikryv eto pokrovami sovietskoj diemahohii, to eto nie idieołohija, eto - primitivnyj obman i nahłaja łoż.
V obman i łoż nievozmožno uvierovať, vozmožno tolko jejo tierpieť i śmiriťsia s nieju, iz-za rieprieśsii i tierrora niezakonnoj vłasti, v usłovijach uzakoniennoho biezzakonija.
Da i nievozmožna idieja i idieołohija tam, hdie vłasť mieniajet vzhlady, na 180 hradusov, tolko dla toho, čtoby niezakonno, prodołžať, dieržať vłasť.
A, tak nazyvajemyje idieołohi, nužny tolko dla toho, čtoby vyjavlať tiech, kto nie sohłasien priniať obman i łoż niezakonnoj vłasti łukašienko.