Крыўдна, што з вуснаў Папы гучаць вялікадзяржаўныя ідэі Расіі — МЗС Украіны
У МЗС Украіны выказалі шкадаванне ў сувязі з нядаўнай заявай папы Францішка.
Пра гэта ў сваім каментары ў панядзелак заявіў спікер МЗС Украіны Алег Нікаленка, піша «Еўрапейская праўда».
Нікаленка прывёў цытату з выступу Францыска перад удзельнікамі Х Усерасійскага дня каталіцкай моладзі ў Санкт-Пецярбургу 25 жніўня.
«Ніколі не забывайце пра спадчыну. Вы — нашчадкі вялікай Расіі: вялікай Расіі святых, кіраўнікоў, вялікай Расіі Пятра І, Кацярыны II, той імперыі — вялікай, адукаванай, вялікай культуры і вялікай чалавечнасці. Ніколі не адмаўляйцеся ад гэтай спадчыны. Вы — нашчадкі вялікай Матухны Расіі, крочце наперад з гэтым. І дзякуй вам — дзякуй за ваш спосаб быць, за ваш спосаб быць рускімі», — працытаваў словы Францішка Нікаленка.
Характэрна, што інфармацыйны партал Апостальскай Сталіцы Vatican News выклаў тэкст звароту Папы на сваім сайце, аднак паказаны пасаж у ім адсутнічае. У той жа час у сеціве ёсць відэаўрывак звароту Папы з гэтай цытатай.
Нікаленка зазначыў, што «менавіта такой імперыялістычнай прапагандай, «духоўнымі змацаваннямі» і «патрэбнасцю» ў выратаванні «вялікай Матухны Расіі» Крэмль апраўдвае забойствы тысяч украінцаў і ўкраінак і знішчэнне соцень украінскіх гарадоў і вёсак».
«Вельмі крыўдна, што расійскія вялікадзяржаўныя ідэі, якія, уласна, і з'яўляюцца прычынай хранічнай агрэсіўнасці Расіі, свядома ці несвядома, гучаць з вуснаў Папы, місія якога, у нашым разуменні, якраз палягае ў тым, каб адкрыць вочы расійскай моладзі на разбуральны курс цяперашняга расійскага кіраўніцтва», — пракаментаваў прадстаўнік МЗС Украіны.
Раней у ліпені Папа Францішак заклікаў Расію аднавіць Чарнаморскую збожжавую ініцыятыву, звярнуўшыся да «сваіх братоў — уладаў Расійскай Федэрацыі».
Цяпер чытаюць
Залішняе будаўніцтва: ці можа любоў беларусаў інвеставаць грошы ў кватэры прывесці да крызісу на рынку нерухомасці?10
Каментары
Гэта і абуральнае дараванне рыцарскага звання сумна вядомаму падсанкцыйнаму гаманцу рэжыма Зайцаву за пэўную фінансаваую дпамогу ў адбудове касцёлаў. Фактычна гэта выглядае як індульгенцыя, забароненая Ватыканам яшчэ ў XVI ст.
Гэта і шматлікія недарэчныя заявы папы Францыска ў датычэнні да расейска-украінскай вайны, а ягоная апошняя прамова ўвогуле выглядае як адкрытая падтрымка расейскага імперыялізму.
Між тым вялікая колькасць каталіцкіх беларускіх святароў павяла сябе годна і ў 2020 падтрымала пратэсты, што стала нагодай для відавочнага пераследу каталіцкай царквы ў Беларусі рэжымам, а пабудаваны каталіцкай грамадой чырвоны касцёл ў Менску ўвогуле адабралі ў каталіцкай парафіі. Цікава, што зараз распавядаюць цалуючым запламбаваныя дзверы касцёла удзельнікам экскурсій ідэялагічна атэставаныя гіды?