Беларуска Настасся Горбань атрымала ўзнагароду ад 108-га ўчастка паліцыі Нью-Ёрка за «надзвычайную смеласць, спагадлівасць, чалавечнасць, імгненную ацэнку сітуацыі і прыняцце мер для выратавання жыцця чалавека».
Раніцай 20 жніўня падчас нядзельнай прабежкі Настасся заўважыла на мосце паміж Бруклінам і Квінсам дзяўчыну, якая відавочна мела намер скончыць жыццё самагубствам: яна сядзела на краю моста, трымаючыся за парэнчы.
Беларуска паспрабавала пагаварыць з дзяўчынай, але тая ніяк не рэагавала на ўгаворы — а потым раптам адпусціла рукі ад парэнчаў.
На шчасце, Настасся паспела злавіць дзяўчыну за нагу і трымала яе над вадою, пакуль на месца не прыбыла паліцыя, якую, верагодна, выклікаў хтосьці з прахожых, пішуць суайчыннікі ў суполцы «Беларусы ЗША. Разам лягчэй».
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары