«Ідзіце на х*й». Маск паслаў кампаніі, якія адмовіліся ад рэкламы ў Х пасля антысеміцкага паста
Мільярдэр Ілан Маск нецэнзурна паслаў рэкламадаўцаў падчас інтэрвʼю. Буйныя кампаніі пачалі адмаўляцца ад рэкламы ў сацсетцы Х, якой валодае бізнэсовец, пасля таго як Маск апублікаваў словы падтрымкі пад антысеміцкім пастом.
Сам каментар бізнэсовец назваў магчыма, самым горшым за ўсю гісторыю яго пастоў у сацсетках, сярод якіх, як ён прызнаў, было нямала «дурных».
Адказваючы на пытанне аб байкоце рэкламадаўцаў, уладальнік X заявіў, што адмовіўшыся ад рэкламы ў сацсетцы, кампаніі могуць не вяртацца. Ён назваў іх дзеянні «шантажом»:
«Калі нехта спрабуе шантажаваць мяне рэкламай, шантажаваць мяне грашыма, ідзіце на х*й. Ідзіце на х*й. Гэта зразумела? Спадзяюся, што так.
«Мяне хвалюе рэальнасць дабра, а не ягонае ўспрыманне. І паўсюль я бачу людзей, якія клапоцяцца аб тым, каб выглядаць добра, робячы пры гэтым зло. Да дʼябла іх», — таксама заявіў бізнэсовец, крытыкуючы рэкламадаўцаў.
У тым жа інтэрвʼю Маск адзначыў, што рэкламны байкот прывядзе да гібелі Х.
«Гэта тое, пра што будуць ведаць усе на Зямлі, — сказаў ён. — Нас не будзе, і гэта адбудзецца з-за байкоту рэкламадаўцаў».
Буйныя кампаніі, у тым ліку IBM, Apple і Disney, прыпынілі размяшчэнне рэкламы пасля таго, як Ілон Маск напісаў 15 лістапада ў сваім акаўнце «Вы сказалі чыстую праўду» ў адказ на паведамленне карыстальніка, які сцвярджаў, што габрэйскія абшчыны падтрымліваюць «дыялектычную нянавісць да белых».
Маск неаднаразова заяўляў, што шкадуе аб публікацыі гэтага паста. Пры гэтым мільярдэр адмаўляў абвінавачанні ў антысемітызме. На фоне скандалу ён наведаў ізраільскі кібуц Кфар-Аза ля мяжы з сектарам Газа, на які 7 кастрычніка напалі баевікі ХАМАС.
Беларуская блогерка паказала, які жах можа адбывацца з вуснамі, калі хочаш іх павялічыць — а потым паменшыць7
Каментары