Відавочцы паведамляюць пра страляніну ў цэнтры Прагі, у будынку філасофскага факультэта Карлава ўніверсітэта. Паводле паведамленняў мясцовай прэсы, адтуль выбягалі людзі з паднятымі рукамі. Паведамляецца пра загінулых і параненых, афіцыйна гэтая інфармацыя не пацвярджалася, піша «Радыё Свабода».
На месцы працуюць паліцыя і выратавальныя службы, туды выехаў міністр унутраных спраў краіны Віт Раўшан.
Супрацоўнікаў праінфармавалі, што па будынку можа перасоўвацца стралок з агнястрэльнай зброяй, паведаміў адзін з відавочцаў «Радыё Свабода». Асобу меркаванага нападніка не раскрываюць, матывы невядомыя.
Пасля паліцыя заявіла, што стралка «ліквідавалі». Ёсць некалькі загінулых і дзясяткі параненых, цяпер людзей з будынка эвакуююць.
На даху будынка сведкі нібыта бачылі ўзброенага мужчыну, а на месцы здарэння прагрымеў выбух.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары