Новая міністарка культуры Славакіі Марціна Шымкавічава адмяніла распараджэнне, згодна з якім у сакавіку 2022 года было спынена супрацоўніцтва гэтай краіны ў культурнай сферы з Беларуссю і Расіяй. Словы прэс-сакратара міністра Паўла Чорбы прыводзіць газета Pravda.
«У свеце адбываюцца дзясяткі ваенных канфліктаў, і, на нашу думку, праз іх не павінны пакутаваць дзеячы мастацтва і культуры», — адзначыў Павел Чорба.
Міністэрства культуры Славакіі забараніла сувязі і супрацоўніцтва з Беларуссю і Расіяй у сакавіку 2022 года, калі Расія напала на Украіну, а рэжым Лукашэнкі стаў у гэтым саўдзельнікам.
У канцы ж мінулага года выбары ў Славакіі выйграла апазіцыйная кааліцыя на чале з Робертам Фіца, якая ў дачыненні да пуцінскага і лукашэнкаўскага рэжымаў займае больш памяркоўную пазіцыю.
Міністарка Марціна Шымкавічава, якая прадстаўляе ва ўрадзе Славацкую нацыянальную партыю, адмяніла распараджэнне сваёй папярэдніцы Наталлі Міланавай 12 студзеня. Згодна з інфармацыяй газеты Pravda, гэта рашэнне ўступіла ў сілу з 15 студзеня.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю3737
Каментары
Ай малайца! Можа Чычэрыну з Ганнай Сялук у госці заспросіш?