Не толькі «Бі-2». Паляванне на зорак з антываеннай пазіцыяй у Тайландзе ідзе па замове МЗС Расіі
Затрыманне гурта «Бі-2» стала трэцім інцыдэнтам у Тайландзе з артыстамі, якія выступілі супраць вайны.
Удзельнікі калектыву сёння былі затрыманыя ў гатэлі на Пхукеце пасля таго, як напярэдадні адыгралі там вялікі канцэрт. Фармальная прычына — адсутнасць у калектыву дазволу на працу. Але калектыў «Бі-2» вядомы сваёй антываеннай пазіцыяй. А Лёва «Бі-2» (сапраўднае імя Ягор Бортнік) прызнаны расійскім Мінюстам «замежным агентам».
Як распавёў каналу «МО» наведвальнік канцэрта, «сам выступ у зале Illuzion Phuket прайшоў гладка і добра, без інцыдэнтаў, было поўна народу — поўная зала».
Жыхар Пхукета, расійскі прадзюсар Уладзімір Воранаў у гутарцы з «МО» заўважыў:
«Напэўна хтосьці настукаў. Калі ў іх і праўда не было дазволу на працу, то не дзіва, што арыштавалі. Але гэта вялікі гурт, усе ведалі пра канцэрт, рэкламы было поўна».
У студзені на Пхукет былі адмененыя выступы комікаў Руслана Белага і Максіма Галкіна — там справа не дайшла нават да канцэртаў, нягледзячы на шырокую рэкламу.
Як высветліў «МО», усе гэтыя выпадкі звязаны з кампаніяй супраць артыстаў з антываеннай пазіцыяй, якую вядзе пасольства Расіі ў Тайландзе, а менавіта — Генеральны консул Расіі ў Пхукет Уладзімір Сасноў.
Прадстаўніцтва Расіі на востраве было з помпай адкрыта ў мінулым годзе асабіста міністрам замежных спраў Сяргеем Лаўровым.
Тайланд дагэтуль з пашанай прымае кіраўніка МЗС РФ і не далучыўся ні да якіх санкцый супраць Расіі.
Чытайце таксама:
Канчаткова адмянілі брэсцкі канцэрт каманды КВЗ «Уездный город». Няма цікавасці
Ці здасць Трамп Украіну Расіі? Чаму дэмакраты разгромленыя? Да чаго прывядзе кантроль рэспубліканцаў над выканаўчай і заканадаўчай уладай адначасова?8282
Каментары