Адышоў у лепшы свет шматгадовы сябар Беларускай сацыял-дэмакратычнай партыі з Брэста Андрэй Бусень, паведамілі ягоныя аднапартыйцы. Яму было ўсяго 44 гады.
Андрэй Бусень нарадзіўся 7 траўня 1979 года ў Брэсце.
У 1998 г. скончыў Брэсцкі тэхнікум чыгуначнага транспарту, у 2010-м — УА «Беларускі дзяржаўны ўніверсітэт транспарту» па спецыяльнасці «Арганізацыя перавозак і кіраванне на чыгуначным транспарце».
Працаваў у транспартным рэспубліканскім унітарным прадпрыемстве «Брэсцкае аддзяленне Беларускай чыгункі».
Больш за 20 гадоў Бусень быў сябрам БСДП, прымаў актыўны ўдзел у дзейнасці партыі да моманту яе нядаўняй ліквідацыі ўладамі. Вылучаўся ад партыі кандыдатам у дэпутаты розных узроўняў.
Цяпер чытаюць
Сталініста-ябацьку з Гомеля затрымалі пасля таго, як ён запрасіў Лукашэнку на гвалтоўнае закрыццё свайго трэцяга кафэ17
Каментары