Грамадства1919

КДБ вырабіла пашпарт «Новай Беларусі» для экс-начальніка следчага ўпраўлення Магілёва

Учора ў сюжэце АНТ паказалі, як сцвярджалася, пашпарт «Новай Беларусі», выдадзены выдуманаму кадэбісту. Пры дэталёвым разглядзе ў ім было шмат дэталяў, якія паказвалі на несапраўднасць дакумента. Сёння ж паказалі іншы «дакумент» — ужо на рэальнага сілавіка, але былога.

У сённяшнім сюжэце паказалі нібыта пашпарт «новай Беларусі» на Дзмітрыя Кірылавіча Шышкова, 1967 года нараджэння. Той, як кажуць, замовіў яго, будучы ў Беларусі.

Па інфармацыі «Белпола», перададзенай «Нашай Ніве», Шышкоў Дзмітрый Кірылавіч — былы следчы. У 2010-м быў пастаўлены начальнікам следчага ўпраўлення УУС Магілёўскага аблвыканкама.

Пазней яго адправілі працаваць у Следчы камітэт.

Апошняе месца працы — інфармацыйнае агенцтва «Магілёўскія ведамасці». Праўда, матэрыялаў за яго подпісам не адшукаць. Магчыма, у агенцтве Шышкоў адказваў за бяспеку.

Звяртае ўвагу, што ў «пашпарце» прозвішча Шышкова па-беларуску напісалі з памылкай — пра рускую «и».

У эфіры АНТ кажуць, што Шышкова звольнілі адтуль за палітычныя погляды ў 2023-м. Прапагандыст Ігар Тур пагражае яму арыштам і крымінальнай справай.

Галоўны рэдактар «Магілёўскіх ведамасцяў», дарэчы, Ірына Петрусевіч — маці маладой прапагандысткі Віталіны Петрусевіч, якая гатовая бясконца прызнавацца ў любові Лукашэнку.

Адзначым, што нават калі б пашпарт «Новай Беларусі» ўжо выдавалі, то замаўляць яго ўнутры краіны не мае сэнсу — гэты дакумент быў прыдуманы для тых, хто не можа вярнуцца ў краіну, каб працягнуць свой афіцыйны беларускі пашпарт.

Каментары19

  • Пуdzh
    20.03.2024
    КДБ пачаў выдаваць новыя пашпарты хутчэй за кабінецік.
    Гэта шмат аб чым кажа


  • Хведар
    20.03.2024
    Зноў абасраліся сярод абосраных кароў.
  • Ну і дурні!
    20.03.2024
    Гэта ў якой такой беларускай мове пасля "Ш" ідзе "І", да яшчэ і руская?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Вы ў Польшчы? Значыць, лёгка можаце падтрымаць «Нашу Ніву» падаходным падаткам, не патраціўшы сваіх грошай. Вось як7

Вы ў Польшчы? Значыць, лёгка можаце падтрымаць «Нашу Ніву» падаходным падаткам, не патраціўшы сваіх грошай. Вось як

Усе навіны →
Усе навіны

У Хабараўскім краі выпаў з дзявятага паверха чыноўнік, які крытыкаваў расійскую армію2

Былы муж Ціманоўскай расказаў, што вярнуўся ў Беларусь яшчэ да выбараў і прагаласаваў за Лукашэнку28

Зяленскі: Я не планую сустракацца ні з якімі расіянамі, акрамя Пуціна4

Вядомая махлярка з Расіі стала мадэллю на тыдні моды ў Нью-Ёрку4

На невялікай рацэ Рось у Ваўкавыскім раёне сабралася вялізная колькасць качак ВІДЭА

Што будзе з Беларуссю пасля размовы Трампа і Пуціна?31

«Прымаю да 6-7 чалавек за суткі». Як прастытуткі ездзяць да расійскіх вайскоўцаў на акупаваныя тэрыторыі16

У Брэсце ратавальнікі выцягнулі мужчыну з Мухаўца. Перад гэтым ён дзіўна сябе паводзіў1

У Малдове дапусцілі, што Расія ў выніку перамоў па Украіне выведзе войскі з Прыднястроўя3

больш чытаных навін
больш лайканых навін

Вы ў Польшчы? Значыць, лёгка можаце падтрымаць «Нашу Ніву» падаходным падаткам, не патраціўшы сваіх грошай. Вось як7

Вы ў Польшчы? Значыць, лёгка можаце падтрымаць «Нашу Ніву» падаходным падаткам, не патраціўшы сваіх грошай. Вось як

Галоўнае
Усе навіны →

Заўвага:

 

 

 

 

Закрыць Паведаміць