АПК: Ідзе фэйкавая рассылка наконт пашпарта новай Беларусі для збору даных
Прадстаўніцтва па замежных справах Аб'яднанага Пераходнага Кабінета папярэдзіла аб фэйкавай рассылцы наконт пашпарта новай Беларусі і просіць пільна ставіцца да сваіх персанальных даных.
Як паведамляе АПК, некаторым беларусам пачалі прыходзіць мэйлы быццам бы ад імя «валанцёрскай службы праекту новага нацыянальнага пашпарта Беларусі» з прапановаю пакінуць персанальныя даныя дзеля «невялікага сумоўя».
Прадстаўніцтва па замежных справах Аб'яднанага Пераходнага Кабінета афіцыйна заяўляе, што гэта — чарговы фэйк ад рэжыму, які ставіць на мэту сабраць персанальныя дадзеныя беларусаў.
У праекце новага нацыянальнага пашпарта Беларусі няма ніякай валанцёрскай службы.
«Мы не збіраем і не плануем збіраць аніякія персанальныя даныя беларусаў праз інтэрнэт і звязвацца праз Gmail», — гаворыцца ў паведамленні.
Калі вам хтосьці напісаў ад імя Прадстаўніцтва / Кабінета / Офіса / «пашпартнага цэнтра», перад тым як адказваць, зазірніце ў афіцыйныя сацыяльныя сеткі Прадстаўніцтва па замежных справах, Аб'яднанага Пераходнага Кабінета Беларусі і кіраўніцы Кабінета Святланы Ціханоўскай. Толькі там публікуецца афіцыйная інфармацыя па праекце новага нацыянальнага пашпарта Беларусі.
Калі ў вас ёсць сумневы, вы заўсёды можаце звярнуцца асабіста ў Прадстаўніцтва па замежных справах праз нашыя афіцыйныя старонкі ў Facebook, Instagram ці напісаць у Telegram, кіруючыся прынцыпамі лічбавай бяспекі, папярэджвае АПК.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары