Мінкульт просіць вертыкаль максімальна запоўніць залы пры паказе новага прапагандысцкага шэдэўра
Выданне «Флагшток» атрымала копію падпісанага міністрам культуры Анатолем Маркевічам ліста, у якім той просіць Гомельскі аблвыканкам максімальна запоўніць залы гледачамі падчас паказу свежай прапагандысцкай стужкі ад «Беларусьфільма» «Час вярнуцца».
![](http://nnexpictures.fra1.digitaloceanspaces.com/img/w732d4webp1/photos/z_2024_05/2024-05-03183911-vvfeg.jpg.webp)
Фільм пад назвай «Час вярнуцца» расказвае пра савецкую наступальную аперацыю на тэрыторыі Беларусі ў часы Другой сусветнай вайны.
![](http://nnexpictures.fra1.digitaloceanspaces.com/img/w732d4webp1/photos/z_2024_05/2024-05-03183908-vz7cr.jpg.webp)
З дакумента, які апублікаваў «Флагшток», вынікае, што паказ гэтага фільма будзе весціся як мінімум да 3 ліпеня ва ўсіх кінатэатрах, навучальных установах і санаторыях Гомельскай вобласці. У іншых абласцях, трэба думаць, сітуацыя ідэнтычная.
![](http://nnexpictures.fra1.digitaloceanspaces.com/img/w732d4webp1/photos/z_2024_05/2024-05-03183915-f9yoi.jpg.webp)
Мяркуючы па фота з прэм'ернага сеансу ў гомельскім кінатэатры «Мір», чыноўнікі да просьбы Анатоля Маркевіча прыслухаліся. Прагляд, дарэчы, не бясплатны: за яго трэба заплаціць ад 3 да 8 рублёў у залежнасці ад месца паказу.
Каментары