Сястру караля Карла III шпіталізавалі для назірання, аднак чакаецца, што яна хутка цалкам паправіцца.
![](http://nnexpictures.fra1.digitaloceanspaces.com/img/w732d4webp1/photos/z_2024_06/princess_anna_ap240624-iazig.jpg.webp)
74-гадовая брытанская прынцэса Ганна трапіла ў бальніцу са страсеннем мозгу. Паводле паведамлення Букінгемскага палаца, прынцэса Ганна атрымала нязначныя траўмы і страсенне мазгу пасля інцыдэнту, які адбыўся напярэдадні ў маёнтку Готкамб Парк у Гластэршыры на паўднёвым захадзе Англіі, піша Bild.
73-гадовую сястру караля Карла III шпіталізавалі для назірання, аднак чакаецца, што яна хутка цалкам паправіцца.
«Кароль увесь час знаходзіцца ў курсе падзей і разам з усёй каралеўскай сям'ёй перадае прынцэсе самыя цёплыя прывітанні і пажаданні найхутчэйшага акрыяння», — гаворыцца ў заяве Букінгемскага палаца.
Брытанская газета The Sun мяркуе, што прынцэса Ганна атрымала траўму ў выніку няшчаснага выпадку з канямі. Паводле папярэдняй інфармацыі, яна была на коннай прагулцы ў маёнтку — менавіта пасля яе супрацоўнікі хуткай дапамогі забралі яе ў бальніцу ў Брыстолі. У Букінгемскім палацы пакуль што афіцыйна не каментавалі гэтую інфармацыю.
Каментары