Больш за 80% беларускай моладзі жыве ў гарадах і гарадскіх пасёлках
У Беларусі жыве 1,6 млн маладых людзей ва ўзросце ад 14 да 30 гадоў. Гэта 17,8 працэнта ад агульнай колькасці насельніцтва (афіцыйныя звесткі на 1 студзеня 2024 года), паведамляе БелТА.
У большасці сваёй маладыя людзі па-ранейшаму аддаюць перавагу гарадам і пасёлкам гарадскога тыпу, дзе сёння пражывае 82,7 працэнта моладзі. Самым моладзевым рэгіёнам застаецца Мінск, дзе асталяваліся 394 959 маладых людзей, або 24,3 працэнта ад агульнай колькасці моладзі (паводле даных на 1 студзеня). За сталіцай ідуць Мінская (15,4%), Гомельская (14,5%) і Брэсцкая (14%) вобласці.
Што да атрымання адукацыі, то ўстановы прафесійна-тэхнічнай адукацыі, як правіла, часцей заканчваюць хлопцы, чым дзяўчаты. У 2023/2024 навучальным годзе ў розных ПТА навучаліся 63,1 тыс. навучэнцаў, 66,2 працэнта з якіх — хлопцы. За аналагічны перыяд навучанне ў ВНУ праходзілі 52,4% дзяўчат і 47,6% хлопцаў.
У 2023 годзе ва ўзросце да 31 года шлюб заключылі 32,8 тыс. дзяўчат і 28,7 тыс. юнакоў. Дзяўчаты аддаюць перавагу ствараць сем’і ва ўзросце 21-26 гадоў, а хлопцы — 23-28 гадоў.
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі26
Каментары