Роберт Фіца ўпершыню выступіў на публіцы пасля замаху на яго ў сярэдзіне мая.
Зварот быў прысвечаны Дню святых Кірыла і Мяфодзія — дзяржаўнаму святу ў Славакіі. У прыватнасці, ён сказаў, што хацеў бы далучыцца да прэм'ера Венгрыі Віктара Орбану падчас яго візітаў у Кіеў і Маскву, паведамляе Расійская служба Радыё Свабода.
«Я хачу выказаць сваё захапленне венгерскаму прэм'еру за тое, што ён без ваганняў адправіўся ў Кіеў і Маскву. Калі б стан майго здароўя дазваляў мне ехаць, я б з задавальненнем далучыўся да яго», — заявіў Фіца.
Прэм'ер таксама адзначыў, што «мірных ініцыятыў ніколі не бывае дастаткова».
Акрамя таго, Фіца раскрытыкаваў ліберальную ідэалогію, якая, паводле яго слоў, «распаўсюджваецца як рак».
«Я не хачу, каб Славакія належала да краін, якія ствараюць карыкатуру на заходнія каштоўнасці», — сказаў прэм'ер.
Ён удакладніў, што Канстытуцыю краіны не будуць мяняць дзеля «модных павеваў».
Цяпер чытаюць
У Беларусі множацца пляцоўкі для танцаў на свежым паветры — паглядзіце, як адпальваюць разам моладзь і пенсіянеры ў Серабранцы7
Каментары