Былое кіраўніцтва «Белсата» абвінавачваюць у фінансавых злоўжываннях
Як даведаліся журналісты-расследавальнікі з польскіх Radio ZET і RadioZET.pl, ліквідатар кампаніі TVP (Польскае тэлебачанне) Даніэль Горгаш падаў заяву ў пракуратуру аб магчымасці здзяйснення злачынства. З яе вынікае, што з-за парушэнняў, якія адбыліся на «Белсаце», страты Польскага тэлебачання маглі скласці мільёны злотых.
Паведамленне ў пракуратуру, накіраванае 8 ліпеня ліквідатарам TVP Даніэлем Горгашам, тычыцца фінансавых парушэнняў, невыканання службовых абавязкаў і злоўжывання паўнамоцтвамі папярэднім кіраўніцтвам тэлеканала «Белсат», у тым ліку былой дырэктаркай і галоўнай рэдактаркай Агнешкай Рамашэўскай-Гузы, сцвярджаюць журналісты Марыюш Гершэўскі і Радаслаў Груца.
Праверка, праведзеная на «Белсаце», нібыта выявіла ў тым ліку, фіктыўныя або пераплачаныя рахункі за IT-паслугі. Паводле аўдытараў, у выніку кантрактаў, падпісаных са знешнімі структурамі, Польскае тэлебачанне магла страціць амаль 7 мільёнаў злотых (каля 1 млн 770 тыс. даляраў).
Аўдытары сцвярджаюць, што кіраўніцтва «Белсата» заключала дамовы на IT-паслугі ў абыход тэндарных працэдур і без аналізу рынку. Паводле іх слоў, кантракты атрымлівалі кампаніі, якія не мелі адпаведнага вопыту. На іх думку, таксама ёсць падазрэнні, што гэтыя кампаніі ствараліся адмыслова пад канкрэтныя замовы.
Праверка нібыта таксама паказала, што было дубляванне паслуг. Напрыклад, знешняя кампанія атрымлівала грошы за архіваванне матэрыялаў, размешчаных на ютубе, у той час як архіваванне рэгулярна выконвалася на цвёрдых дысках TVP.
Справаздачу ліквідатара TVP Даніэля Горгаша накіравалі ў акруговую пракуратуру ў Варшаве.
«Белсат» перастане быць самастойнай адзінкай у структуры TVP
Рамашэўская-Гузы просіць дапамагчы ёй грашыма на адвакатаў — падпісчыкі абурыліся
Дзікавіцкі: Па-людску разумею рыторыку Рамашэўскай. Але я б сышоў спакайней
Польскае медыя сцвярджае, што ў «Белсата» выявілі «шматлікія парушэнні». Пра што гаворка?
Агнешка Рамашэўская-Гузы падала ў суд на TVP
Дырэктарка «Белсата»: Мяне звольнілі па дысцыплінарным артыкуле
«Што значыць, што мне хопіць кіраваць?» Былая кіраўніца «Белсата» расказала, чаму яшчэ не гатовая пакінуць канал
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
За такие финансовые потоки я бы не только посиневшими пальцами держался
Толькі тады вычысцім усім гэтых лідараў, лідарак і чалінь. Толькі тады навучым тых, хто называе сябе палітыкамі і грамадскімі дзеячамі, браць на сябе адказнасць. Толькі тады магчымыя нейкія змены ў гэтай краіне.