Беларус знайшоў жывых чарвякоў у шакаладцы. «Камунарка» правяла праверку, і вось што высветлілася
Ролік пра тое, як беларус купіў шакаладку з чарвякамі, завірусіўся ў тыктоку. Вытворца прадукту адрэагаваў — і правёў праверку партыі шакаладу.
Відэа пра шакаладку з «жывым бялком» сабрала 340 тысяч праглядаў і амаль 2000 каментароў у тыктоку. Аўтар роліка паказаў этыкетку: тэрмін прыдатнасці прадукту мінаў толькі ў снежні 2024 года.
На гісторыю адрэагавала «Камунарка» — вытворца шакаладу «Труфельны эліт». На фабрыцы распавялі, што ў гэтай партыі, выпушчанай 11 снежня 2023 года, было выраблена 11 968 кг. Уся партыя была ў поўным аб'ёме рэалізаваная ў Беларусі і Расіі. Пры гэтым ніводнай скаргі на якасць шакаладу не паступіла, піша Tochka.by.
На «Камунарцы» сцвярджаюць, што звязаліся з аўтарам роліка. Але ён не змог успомніць, у якой краме купіў шакалад. Па словах начальніка ўпраўлення па якасці «Камунаркі» Ганны Козыр, верагодныя прычыны заражэння шакаладу лічынкамі харчовай молі — парушэнне ўмоў захоўвання, невыкананне таварнага суседства — напрыклад, шакалад паклалі на паліцах крамы побач з мукой, крупамі, арэхамі, сухафруктамі.
Козыр распавяла, што любыя віды ўпакоўкі (папера, плёнка, кардон), акрамя металічнай, не з'яўляюцца перашкодай для лічынак харчовай молі, пры візуальным аглядзе парушэнні цэласнасці ўпакоўкі могуць быць незаўважныя.
«Не ўяўляецца магчымым дакладна ўстанавіць, дзе і пры якіх умовах захоўвалася і рэалізоўвалася прадукцыя на працягу больш за восем месяцаў. Наяўнасць жывых лічынак сведчыць пра тое, што заражэнне прадукцыі адбылося не больш за 20 дзён таму», — адзначыла супрацоўніца «Камунаркі».
Аднак на прадпрыемстве правялі дадатковую праверку шакаладу з гэтай партыі. Частка прадукцыі заўсёды захоўваецца ў спецыяльным пакоі на фабрыцы.
Проверка партии шоколада на предмет его сохранности. Видео: "Коммунарка" pic.twitter.com/oHQlcMBz5p
На «Камунарцы» паведамілі, што праверка шакаладу ніякіх праблем не выявіла. Прадпрыемства гарантуе якасць і бяспеку вырабленай прадукцыі на працягу тэрміну прыдатнасці пры захаванні ўмоў транспартавання і захоўвання: тэмпературы ад 15℃ да 21℃ і адноснай вільготнасці паветра не больш за 70-75%.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1313
Каментары
І пачаставаўся , і зоркай сеткі стаў )
Выкінуў свінням.