Расія каардынавала ў Малі акт адплаты супраць сем'яў паўстанцаў, датычных да атакі на вагнераўцаў
Кіруючая ў Малі хунта нанесла авіяўдар па маленькім горадзе, які знаходзіцца пад кантролем паўстанцаў, загінуў 21 мірны жыхар, у тым ліку 11 дзяцей.
Паводле звестак мясцовых СМІ, беспілотнік спачатку атакаваў адзіную аптэку ў Тынзуатэне, а калі мясцовыя жыхары сабраліся на месцы ўдару, дрон нанёс паўторны ўдар, забіўшы яшчэ больш людзей. Гэты авіяўдар, здзейснены малійскай хунтай па вёсцы, кантраляванай кааліцыяй паўстанцаў CSP, ёсць толькі адным з многіх ваенных злачынстваў у гэтым рэгіёне, але яго перадгісторыя асабліва важная.
Як стала вядома BILD, гэта была арганізаваная і ўхваленая ў Маскве акцыя помсты за напад на наймітаў ПВК «Вагнер» у тым жа рэгіёне. 25 ліпеня там былі забітыя 84 расійскія найміты — нават ва Украіне яны не гублялі столькі людзей за адзін дзень.
Расія абвінаваціла групу, звязаную з «Аль-Каідай» (JNIM), і Украіну ў арганізацыі той засады. Аднак чалавек, знаёмы з аперацыяй, абверг гэтую заяву і паведаміў BILD, што гэта «мэтанакіраваная прапаганда».
Для ажыццяўлення атакі адплаты ў Тынзуатэне быў выкарыстаны турэцкі ўдарны беспілотнік Bayraktar TB-2, перакінуты з Буркіна-Фасо ў суседняе Малі — без ведама Турцыі. BILD мае фатаграфіі рэшткаў боепрыпасаў, якія пацвярджаюць гэта сцвярджэнне.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары